Mberaand 38:5 - NQAARIIT NE ROOG

⁵ A jeg’ahina o ƥiy o ngoor, a ne’in Seelax. Yudaa oxe gen’a Kesib ye oxeene a rimeena.

Mberaand 38:5 Referans Kwoze

1 Caloori ke 4:21

Xa taan axe Seelax fee o ƥiy Yudaa ndefu: Eer fee sinjna a Leka, fa Lada fee sinjna a Maresa, fo itam a qaw ake no we na ndiwaa coor ke kam Bet-Asbeya.

Mberaand 46:12

Xa ƥiy axe Yudaa ndefu: Eer, Onan, Seelax, Peres fa Serax. Eer fa Onan koy ñakit’u no saax laa Kanaan. Xa ƥiy axe Peres ndefu: Hesron fa Xamul.

Mberaand 38:26

Yudaa a andda tikoorik kaa, soo a lay ee: «O tew oxene moƴaxam o jof! Kaa fi kene yaam ne ci’eeranuuma ta dolooxanik a Seelax fee o ƥees.» Yudaa mosatee koy o yoon fo ten.

Mberaand 38:11

Maaga, Yudaa a laya a Tamaar fee o seemir um ee: «Reti ñaawoortik no mbind faap of boo yaa Seelax fee o ƥees a maakna.» Kaa lay’u neene, yaam ee ndik Seelax a xon nen o maag um. Tamaar oo a reta, a moof no mbind faap um.

Mberaand 38:6

Yaa Eer fee refna taaw Yudaa a fadna o jeg o tew, Yudaa a waaƭanaan o tew o ne’e Tamaar.

A lim ale 26:19

Keeke ndefu a qaw ake mbogna na carind ale Yudaa: Seeseelax we ndefna xa taan Seelax fo Peeperes we ndefna xa taan Peres fo Seeserax we ndefna xa taan Serax fo Heehesron we ndefna xa taan Hesron. Xaaxamul we ndefna xa taan Xamul koy, na qaw ale Peres a mbog’u. Ɗik na xa ƥiy axe Yudaa, ndefna Eer fa Onan, kaa nqonit’u no saax laa Kanaan too njeg’ee xa ƥiy.

1 Caloori ke 2:3

Yudaa a jeg’a xa ƥiy xa tadaq fo o teem o Kaakanaan oxe refna o ƥiy Suwa. Xa ƥiy axeene ndefu: Eer, Onan fa Seelax. Eer fee reeƭna taaw koy fel’ee o Yaal oxe tus, ten taxu xaƴiran ta xuuɗ.