Mberaand 38:4 - NQAARIIT NE ROOG

⁴ O tew oxe a rokahina o fud, a ñoot o ƥiy o ngoor, soo a ne’in Onan.

Mberaand 38:4 Referans Kwoze

Mberaand 46:12

Xa ƥiy axe Yudaa ndefu: Eer, Onan, Seelax, Peres fa Serax. Eer fa Onan koy ñakit’u no saax laa Kanaan. Xa ƥiy axe Peres ndefu: Hesron fa Xamul.

A lim ale 26:19

Keeke ndefu a qaw ake mbogna na carind ale Yudaa: Seeseelax we ndefna xa taan Seelax fo Peeperes we ndefna xa taan Peres fo Seeserax we ndefna xa taan Serax fo Heehesron we ndefna xa taan Hesron. Xaaxamul we ndefna xa taan Xamul koy, na qaw ale Peres a mbog’u. Ɗik na xa ƥiy axe Yudaa, ndefna Eer fa Onan, kaa nqonit’u no saax laa Kanaan too njeg’ee xa ƥiy.

Mberaand 4:1

Aadama a yoona fa Awa fee o teem, ta rok o fud, a ñoot a Kayin, soo a lay ee: «Sakaam o kiin no ndimle no Yaal oxe.»

1 Caloori ke 2:3

Yudaa a jeg’a xa ƥiy xa tadaq fo o teem o Kaakanaan oxe refna o ƥiy Suwa. Xa ƥiy axeene ndefu: Eer, Onan fa Seelax. Eer fee reeƭna taaw koy fel’ee o Yaal oxe tus, ten taxu xaƴiran ta xuuɗ.