Mberaand 38:2 - NQAARIIT NE ROOG

² Maaga, a ga’a o ƥiy o ndew no koor o Kaakanaan o ne’e Suwa. A gilgaan, soo a yoon fo ten.

Mberaand 38:2 Referans Kwoze

1 Caloori ke 2:3

Yudaa a jeg’a xa ƥiy xa tadaq fo o teem o Kaakanaan oxe refna o ƥiy Suwa. Xa ƥiy axeene ndefu: Eer, Onan fa Seelax. Eer fee reeƭna taaw koy fel’ee o Yaal oxe tus, ten taxu xaƴiran ta xuuɗ.

Mberaand 24:3

soo um daaɓooxnoorong no Yaal oxe Roog fee na asamaan, Roog fee no lanq ke yee waaƭanitkiro o ƥees o ngoor onqe o tew no Kaakanaan we genuuma a ndeer den.

2 Korint 6:14

Ba nu mbog kadoor leng fo gimeer we, yaam ndefee yoon nuun we ngelna. Nam boog o cofel ole a waagu o xaariitoorit fo njofaƭar ne? Ndi nam a qoolaand ale a waagu o hiɓoorit fo niɓaan ole?

2 Sami’el 11:2

No kirand leng, Dawid a inooxa me ta wondoox’ina, a foƭtaa a caf um no dung-took ole no mbind no maad ne. A foda maaga, a ƴook o tew o mosu xaa na ɓogooxaa.

Haahate we 16:1

Samson a reta Gaasa, a ga maaga a caga soo a fe’ik maa ten.

Haahate we 14:2

Ye ta gatna, a wetandooxaan a faap um fa ya um, a lay ee: «Ga’aam o toog o Fiifilista kam Timna too kaam bug nu nqeɗankaam o ten o tew.»

Mberaand 46:12

Xa ƥiy axe Yudaa ndefu: Eer, Onan, Seelax, Peres fa Serax. Eer fa Onan koy ñakit’u no saax laa Kanaan. Xa ƥiy axe Peres ndefu: Hesron fa Xamul.

Mberaand 34:2

Sikeem fee o ƥiy Hamoor o Hiihiwi xe maadooxanoogna saax laa a ga’aan, a gifin, soo a yoon fo ten took o gignin.

Mberaand 6:4

Na jamaane faaga, wiin fodu ne sabab a ndeeƭa took lanq ke. Ye xa ƥiy xa koor axe Roog a ngiligna xa ƥiy xa tew axe no wiin we boo a ndim fa den xa ƥiy, weene ndeeƭu a salma-koor ake yaa fa yaaga.

Mberaand 6:2

xa ƥiy xa koor axe Roog a nga’a yee xa ƥiy xa tew axe no wiin we a mosa lool, a ndalfooxa o njil na xa ƥiy xa tew axeene rew, a ngilig a den.

Mberaand 3:6

O tew oxe a ga’a yee xa tim axe no ndaxar ne kaa mos bo too a yaawnoox, ne’atiim da mbaag o cooxit yiif. A dalfooxa o woq na xa tim axe, a moɗ, soo a ci o kor oxe ten reeƭna paam um ta moɗ itam.

A lim ale 26:19

Keeke ndefu a qaw ake mbogna na carind ale Yudaa: Seeseelax we ndefna xa taan Seelax fo Peeperes we ndefna xa taan Peres fo Seeserax we ndefna xa taan Serax fo Heehesron we ndefna xa taan Hesron. Xaaxamul we ndefna xa taan Xamul koy, na qaw ale Peres a mbog’u. Ɗik na xa ƥiy axe Yudaa, ndefna Eer fa Onan, kaa nqonit’u no saax laa Kanaan too njeg’ee xa ƥiy.

Mberaand 28:1

Isaak a xoya a Yakoob, a barke’in, a asoortin ee: «Ba o xotit o tew no roog we no Kaakanaan we.