Mberaand 37:9 - NQAARIIT NE ROOG

⁹ A ɗaaɗahina o ƭaaɗ o lakas, a wetandooxin fog faap we ten ee: «Kaam ɗaaɗahin ga njeeƈ ne fo o nqool onqe fo xa qoor xarɓaxay fo o xoor o leng a ngungaa mbaambir es.»

Mberaand 37:9 Referans Kwoze

Mberaand 37:7

«Nan-gilooxyo ke ɗaaɗuuma. Kaam ɗaaɗ i ndet no qol, ngumaa a kusax. Maaga, gusax le mi a inooxa, a geenoox, soo a kusax ake nuun a ndeerin, a ngungaa mbaambir um.»

Filip 2:15

ndax nu ñak sik, nqool, ndef xa ƥiy Roog xa cegee ƥanjel a ndeer no wiin yaqooxu waa ngalafna. Ndeer no weene, kaa o ñoow nuun a meleƈaa nen xa qoor axe na asamaan,

Dañel 8:10

A maaka boo a daaw a yaj ake na asamaan, a maafiid mayu na den a lanq, a yurdiid xa qoor xa mayu soo a dak a den.

Mberaand 47:12

Yoseef a cooxa a faap um fo fog faap we ten fo ƥasil den fop ñoowir, a reefandin no ne a qoox ake den a mbodna.

Mberaand 46:29

Yoseef a humna a sareet ale ten, a waaƭooxanik a Goseen, a xetik fa Isra’el fee faap um. Yaa ta ga’uuna rek, a farakooxaan no cok, a lool miñu no cok ole faap um.

Mberaand 45:9

Ñofyo o nomtoox maa faap es nu layin ee: ‹Yoseef fee o ƥeef kaa tee: Roog a dalnaxam um refat gofornoor kam Misira. Ñofi gariid me mi.

Mberaand 44:19

O yaal es, kaa o laamit’u dag we wo yee: ‹Ndax faap nuun oxe maad o ñoowaa mbaat o pog nuun?›

Mberaand 44:14

Yudaa fo fog faap we ten a nomtooxiida no mbind Yoseef. Yoseef koy, maaga a maad’u, too a ngunga a lanq mbaambir um.

Mberaand 43:28

A ndoonaan ee: «Faap in fee o tag of jam soom a jegu kañ. Oxaay jon maa ta refna.» A ngooknooxahina, a ngung a lanq.

Mberaand 41:32

O nanangaa Firawon fee a ɗaaɗin boo a caf a ƭak, tige kaa ref kaa Roog a geenooxna no fi’in, too xan a fadnin ndiiki.

Mberaand 41:25

Yoseef a laya a Firawon fee yee: «Xa ƭaaɗ axe Firawon fee leng kut a ndefu, a tekit tig leng ke itam. Roog kaa lalaa a Firawon fee ke ta fi’kaa.

Mberaand 37:10

A wetandooxaan a faap um fo fog faap we ten. Faap um a xasanaan, a layin ee: «Xar o ƭaaɗ oleene a tektu? Ndax kaa i ngarkaa, mi fa ya of fo maag of, ngungaa a lanq mbaambir of?»

Mberaand 37:8

Maag we ten a layaan ee: «Kaa o bug o lay boog ee xan o ref o maad in! Ndi kaa o foog ee xan o ref o yaal in!» A moƴ’ataan o sib yaam xa ƭaaɗ axe fo fa lay fee ten.

Mberaand 20:3

Took kaaga, Roog a feeñooxa a Abimelek o yeng no ƭaaɗ, a layin ee: «Xan o xon, yaam o tew oxe gifoona o tew no kiin oo.»

Mberaand 42:6

Yoseef kelfa a reeƭu kam saax laa. We no saax laa fop ten jikooxoogu a den bele. Fog faap we ten a ngara, a ngung a lanq mbaambir Yoseef.

Mberaand 43:26

Yaa Yoseef a gatna no mbind naa rek, a ƥoxotaan ci’it ke da saq’ina, soo a ngung a lanq mbaambir um.

A lim ale 12:6

A laya a den ee: «Nan-gilooxyo a paax fa lay es! A jegangaa a ndeer nuun o tuleer, no mbeeñax um laltinoorkan, mi o Yaal oxe, lay fo ten no ƭaaɗ.