Mberaand 37:7 - NQAARIIT NE ROOG

⁷ «Nan-gilooxyo ke ɗaaɗuuma. Kaam ɗaaɗ i ndet no qol, ngumaa a kusax. Maaga, gusax le mi a inooxa, a geenoox, soo a kusax ake nuun a ndeerin, a ngungaa mbaambir um.»

Mberaand 37:7 Referans Kwoze

Mberaand 44:14

Yudaa fo fog faap we ten a nomtooxiida no mbind Yoseef. Yoseef koy, maaga a maad’u, too a ngunga a lanq mbaambir um.

Mberaand 42:6

Yoseef kelfa a reeƭu kam saax laa. We no saax laa fop ten jikooxoogu a den bele. Fog faap we ten a ngara, a ngung a lanq mbaambir Yoseef.

Mberaand 43:26

Yaa Yoseef a gatna no mbind naa rek, a ƥoxotaan ci’it ke da saq’ina, soo a ngung a lanq mbaambir um.

Mberaand 42:9

Yoseef a wetandooxa xa ƭaaɗ axe ten no kaa farna na den, soo a lay a den ee: «Hoohorax nu ndefu, o and me saax le a yooɓeena o gefit doŋ ɓisiidu a nuun!»

Kolos 1:18

Ten refu xoox le no fog ole no gimu we fop. Ten refu itam mberaandoong ne, a ret jaaniif, a ref taaw fee eetna o sutoor maaga, ndax ta adoox no kuu refna ref.

Filip 2:10

ndax no gon Yeesu fop a ngooknoox, ta ref na asamaan mbaat took lanq ke mbaat ɗuga lanq ke,

Mberaand 44:19

O yaal es, kaa o laamit’u dag we wo yee: ‹Ndax faap nuun oxe maad o ñoowaa mbaat o pog nuun?›

Mberaand 27:29

Yaasam qeet a ƥoxotoox na wo, a saax ake a ngungaa mbaambir of! Yaasam o ref o yaal no fog of, we fogtoona yaay a ngungaa mbaambir of. Yaasam oxuu salooxoonga a salooxel, soo oxuu xeɗanoonga barke a barke’el!»

Mberaand 37:6

Kaa lay’u a den ee:

Mberaand 43:28

A ndoonaan ee: «Faap in fee o tag of jam soom a jegu kañ. Oxaay jon maa ta refna.» A ngooknooxahina, a ngung a lanq.

Mberaand 44:18

Maaga, Yudaa a matiidaan, a layin ee: «Ngela yirmaam o yaal es! Ci’aam rek mi fee o tag of um lay fa wo too baa fuux of a biltooxanaam yaam kaa o nand fa Firawon fee!

Mberaand 50:18

Fog faap we Yoseef a ngarana a qoox den, a ngung na caf um, a layin ee: «Faɗ of i ndefu!»