Mberaand 37:5 - NQAARIIT NE ROOG

⁵ Yoseef a ɗaaɗa tig, a wetandooxin fog faap we ten, soo da moƴatin o sib.

Mberaand 37:5 Referans Kwoze

Mberaand 28:12

A ɗaaɗa, a ga a seel alaa sipeena a lanq soo cat lakas ne a duqaa asamaan. Malaaka ke Roog kaa ŋaayoogu teen, a mbudooxaa.

YEGIL MBAAX NE YEESU ne Saŋ a bindtuuna 17:14

Kaam coox a den fa lay of, adna fee a sib a den, yaam ne da mbogeerna na adna fee, ne fogteeruuma teen, mi itam.

Dañel 4:5

Paktaand ke, Dañel fee ne’it’ateena a Beltasaar fee roog es too a may fo yiif le na Roog fa tedu fee a gara mbaambir es. Wetandooxaanum o ƭaaɗ ole mi ee:

Mberaand 42:9

Yoseef a wetandooxa xa ƭaaɗ axe ten no kaa farna na den, soo a lay a den ee: «Hoohorax nu ndefu, o and me saax le a yooɓeena o gefit doŋ ɓisiidu a nuun!»

Amos 3:7

Kaam ee, o Yaal oxe na refkaa boo faw mosee fosoox tig, too feeñliran duleer we dag um.

A lim ale 12:6

A laya a den ee: «Nan-gilooxyo a paax fa lay es! A jegangaa a ndeer nuun o tuleer, no mbeeñax um laltinoorkan, mi o Yaal oxe, lay fo ten no ƭaaɗ.

Mberaand 37:4

Maag we ten a nga’a yee faap den ten a moƴ’u o fex ee den fop, soo da mbofanin o njaaku kam. Mbaag’ee muk o lay fo ten pelu.

1 Maad we 3:5

Maaga Gibe’on o Yaal oxe a feeñooxa a Salomo no yeng olaa kam o ƭaad. Roog a layaan ee: ‹Xeɗaam kuu bugoona, too xam ci’ong o ten.»

Dañel 2:1

No hiid o ɗikandeer ole no maat um, Nebukadnesaar a ɗaaɗa, a jaaxiɗ teen boo ta yaqanin o ɗaan.

A kim a tedu ke 25:14

O Yaal oxe kaa feeñlaa we saɗaruuna kunpa um soo a aqatinaa a den ngiɓoor um.

Mberaand 49:23

Xaaxaaƴ a qali we kaa paaƈan, a nqaƴan a kas ake, soo a ŋalan.

Mberaand 41:1

Xa kiid xa ƭaq a cinj kaaga, Firawon fee a ɗaaɗa o geenoox paam o xuluɓ ole Niil.

Mberaand 40:5

No yeng o leng, oxe topatooxoogna a yer ale no maad oxe fo xe juɗanooguuna puuru too a mbeg’el na kaso faa a ƭaaɗa den ɗik fop. Oxuu refna na den koy fogir’ee fo o kend um o ƭaaɗ.

Mberaand 37:8

Maag we ten a layaan ee: «Kaa o bug o lay boog ee xan o ref o maad in! Ndi kaa o foog ee xan o ref o yaal in!» A moƴ’ataan o sib yaam xa ƭaaɗ axe fo fa lay fee ten.

Mberaand 31:10

No camaane ke cegel ke a ŋaayooxaa, ɗaaɗaam o ga a suk ake na ŋaayaa tew ke, a njeel, akene a njeg a nox, akaana a ƥalig.

Mberaand 31:11

Malaaka fee Roog a layaxam no ƭaaɗ ee: ‹Yakoob!› Um jaaɓin ee: ‹Oow!›

Mberaand 37:6

Kaa lay’u a den ee:

Mberaand 20:3

Took kaaga, Roog a feeñooxa a Abimelek o yeng no ƭaaɗ, a layin ee: «Xan o xon, yaam o tew oxe gifoona o tew no kiin oo.»