Mberaand 37:4 - NQAARIIT NE ROOG

⁴ Maag we ten a nga’a yee faap den ten a moƴ’u o fex ee den fop, soo da mbofanin o njaaku kam. Mbaag’ee muk o lay fo ten pelu.

Mberaand 37:4 Referans Kwoze

Mberaand 27:41

Esawu a dalfooxa o fuuxan a Yakoob, yaam barke fee faap um a barke’uuna. Esawu kaa layoogu no xeeñ um ee: «Ndiiki faap es a xon, too a koom xam war a Yakoob fee o ndeɓ es.»

1Saŋ 4:20

O kiin a layangaa yee: «Fexaam a Roog», soo a sib o pog um, oxeene o maamaaɓ oo. Oxe waageerna o fex o pog um oxe ta ga’aa, nam a waagu o fexit a Roog fee ta ga’eerna?

1Saŋ 3:12

Ba i nand fa Kayin fee fog’ina no paaxeer oxe, boo a xiris o ndeɓ um. Xar tax’u ta warin? Yaam a pi um kaa mbaax’ee, too a pi no ndeɓ um a njof.

1Saŋ 2:11

Kaa koy, oxe fexeerna o pog um, no niɓaan ole a refu. Kaa ñaaƴaa no niɓaan ole itam, too andee me ta jofaa, yaam o niɓaan ole kaa muur a kid um.

A kim a tedu ke 69:4

Waagatiim dara yaam xa buuq. O faƭanq es kaa weer koroŋ, a kid es a nqooɗat bo, yaam ne um cungaa a Roog es.

1 Sami’el 17:28

Ye Eliyab fee moƴ’ina o ref o maak no maag we Dawid a nanuuna ta layaa fo xiixire waa, a dalfooxaan o fuuxan ƭomu, a layin ee: «Xar waaƭiido mene? An xaƴto xaƴit sax o nged onqaa kam a koƥ-a-ƥor alaa? Andaaxoong a paax, and o nga’atinax fo coxod ne refna kam xeeñ of. O fuud xire fee doŋ taxu o gar mene.»

Mberaand 37:5

Yoseef a ɗaaɗa tig, a wetandooxin fog faap we ten, soo da moƴatin o sib.

Mberaand 4:5

Kaa koy, o Yaal oxe a xuuna a Kayin fa sadax um. Ye Kayin a ga’na keene, a dalfooxa o fuux, a tagid um a hiɓoox.

Tiit 3:3

In itam, wiin ñaku a qoox i ndeeƭu yaaga. Kaa i nanaƭar’u, mo, ndef faɗ a yuxum in fo no kuu na ci’aa a in baneex. Kaa i ñoowoogu no coxod, siisaa, ndef waa njareena o sib, sibraa.

A kim a tedu ke 38:19

Mexe weejlaa tooñ es, too mexey no jaq yaam pakaad es.

Mberaand 49:23

Xaaxaaƴ a qali we kaa paaƈan, a nqaƴan a kas ake, soo a ŋalan.

Mberaand 37:11

Ciis maak a dama fog faap we ten, ndaa faap um o mat a geeka xa ƭaaɗ axeene no yiif um.

1Saŋ 3:10

Mene xa ƥiy Roog fo xa ƥiy no ƈiƴ oxe a andditkeel: Oxuu geneerna no fi’aa cofu, too fexee o pog um, fogee na Roog.

Yeremi 12:6

Fog of sax fo ƥasil of fa qoox den xan a ngodong. Den itam xan a njax xa buuq a cinj of. Ba o hooloox a den, yaa da layaa fa wo a ƭelem a pelu.»

Mark 3:25

too boo we mbogna mbind a nqaajoorna a ndeer den, xan mbind neene a gef tuƈ, yaam waagkee o geenoox.