Mberaand 37:25 - NQAARIIT NE ROOG

²⁵ Cinj kaaga, a ndeera, a ñaamaa. Ye da yoɗna a kid den, a nga’a o lox keeleemb no Ii-isma’el waa inoorna Galaad. Keeleemb ke den kaa suf’u qeeñe-xeeñe fo teex ƭuumooxel fa miir faa da njikookaa Misira.

Mberaand 37:25 Referans Kwoze

Mberaand 43:11

Isra’el fee faap den a laya a den ee: «Feek neene yoo de, neeke nu mbi’kaa: Ƥisanyo o koor oxaaga ɗang no tikoorik ke nuun, ƥisloox teen no paax ke no saax le, teex ƭuumooxel, suum, qeeñe-xeeñe, miir, xa pistaas fo xa tim amaand.

Mberaand 37:28

Yaa jula Maamajan we a njooniidaa, fog faap we Yoseef a sutta a Yoseef no gamb laa, a njikoortin Ii-isma’el we xa monjong qarɓeen ƭik xaaliis, soo weene a ƥisin Misira.

Yeremi 8:22

Ndax kaa jegatee teex ƭuumooxel kam Galaad, ndax kaa o baawaadin jegatee teen? Xar taxu boog xeet es waagee o moƴan?

Mberaand 37:36

Maamajan we a ƥisa a Yoseef Misira, soo a njikooxin a Potifaar fee o leng no kelfa ke Firawon too a ref o aa-adax oxe no yeeyetax we.

Amos 6:6

yeraa a qaf biiñ a podu ne sabab, ndaxaɓooxaa goonga fee moƴna o fel, too o liir nuun o leng jaaɓee a koom alaa mbind Yoseef a gefna boo tuƈ.

Yeremi 46:11

Ŋaayi boo Galaad, waaƭ teex ƭuumooxel, wo Misira, o ndoog o toroxu nqe. Kaa koy, jaree o mayƭandaa teex, ngaañax ne wo wodkee.

Xa peƭit axe 30:20

Neeke o tew o seeseeq a fesooraa: kaa ñaamaa, a forit o don ole soo a lay ee: «Fi’iim paaxeer leng.»

A kim a tedu ke 14:4

Weene fop na mbi’aa cofaƭaru njegee o and o leng, den we na listaa xeet es ne mbuuru a listiteel too ƈufginooxkee o Yaal oxe muk.

Mberaand 39:1

Ii-isma’el we njik’ina a Yoseef a ƥisaan Misira, soo Potifaar fee o leng no kelfa ke no maad oxe too a ref o aa-adax no yeeyetax we no mbind Firawon fee a jikit a Yoseef no Ii-isma’el we ƥisiid’uuna Misira.

Mberaand 31:23

Laban a fokata fog we ten, soo a daab a Yakoob. A ñaaƴayo ñaal ɓetuu ƭik, soo a ndaawtin na xa coong axaa Galaad.

A kim a tedu ke 83:6

Kaa nga’raa, a mbog yiif leng, ndax da ngiɓoor fa wo.

Esteer 3:15

We lul’eena a ñofa o ndet, a ƥis kebil ne no maad oxe. Ye kebil neene a yegniteel kam teeru fa njegu saŋe fee Suusaan, o maad oxe fa Haamaan kaa moof’u a yeraa, too yaaga fop oo, teeru fee Suusaan kaa njaq’u.

Mberaand 31:21

A ƴufa fo ke ta jeg’ina fop. A reta, a joot o xuluɓ ole Ofrat, soo a sag farna fo xa coong axaa Galaad.

Mberaand 37:24

A ndamaan, a ndeɓin kam gamb jegee foofi laa. Gamb laaga saq’ee dara too jeg’ee foofi.

Yosuwe 13:11

Xa cegel axeeke itam a mboga teen: o jegel ole Galaad, ole no Geegesuur we, ole no Maamaaka we, o joong ole Hermon fop, o jegel ole Basan fop fa teeru fee Salka.

Yeremi 22:6

Keeke o Yaal oxe a layu no kaa jofna no mbind no maad ne Yudaa: «Kaa o nandaam nen xa coc axe Galaad, nen o jul ole Libaŋ! Kaa koy, ndax fi’kiroong a koƥ-a-ƥor, teeru faa o leng a geneerna?

Heseki’el 47:18

O ŋat ole no batand xan a xotit no mbiñ onqe refna ndeer Damaas fa Hawran, a joon fo o xuluɓ ole Yordaan, ndeer o jegel ole Galaad fo saax le Isra’el, soo a ret boo Tamaar no maag o Xanju le. Keene na refkaa o saax ole no batand.

A kim ale na kim ake 5:1

O cigeen es, o toog es, mexe garaa na ƭing es, ɓooriid miir fee mi fo qeeñe-xeeñe ke mi, ɓaƈit xef es, ñaam suum ke, yer biiñ es fo fo sis es. Nuun qaariit ke, ñaamyo boo ngiñ, yer mbug ne boo mbay nep.

Amos 6:4

Kaa nu ndeɓaa o ndalaq no cong mosandte a ñiiñ fa ñiig, a kakandax a ndeer a nuun, nu yablooraa a suk a neeru fo a tegeƴ ƥuj kude.