Mberaand 37:15 - NQAARIIT NE ROOG

¹⁵ Ye ta joqooyooxaa kam a koƥ ale, o koor a xeta fo ten, a laamtin ee: «Ndi xar o waaƭaa?»

Mberaand 37:15 Referans Kwoze

Haahate we 4:22

Ye Barak fee daaboogna a Siisera a fadiidna, Ya’el a xetooxiidaan, a layin ee: «Gariidi um lalong oxe o waaƭaa.» Barak a roka no ƭiif naa ten soo a ga a Siisera tee laraas a xon, a dibel o reng no yook-nof.

YEGIL MBAAX NE YEESU ne Saŋ a bindtuuna 20:15

Yeesu a layaan ee: «Tew oxe, xar taxu o loolaa? An o waaƭaa?» Mari kaa foog’u yee oxe na yetooxaa a ƭing ale me poy ke a ndefna yoo. Neene a layaan ee: «Yaal mbind! A soƥangaa yee wo ɗasnun, layaam me doonanoona, ndax um xotin.»

YEGIL MBAAX NE YEESU ne Saŋ a bindtuuna 18:7

Yeesu a dakooxa o laamit a den ee: «An nu mbaaƭaa?» A ndoona yee: «Yeesu o Naanasaret oxe.»

YEGIL MBAAX NE YEESU ne Saŋ a bindtuuna 18:4

Yeesu o mat, a and’a fop ke nar’uuna o dal, a xetiida fa den, a laamit a den ee: «An nu mbaaƭaa?»

YEGIL MBAAX NE YEESU ne Saŋ a bindtuuna 4:27

Maaga, daalbe we ten a mbadiida, a soƥin ta layaa fo o tew. Kaaga a bet’a a den lool, ndaa koy o leng layiran ee: «Ndi xar o laamtaa?» mbaat «Xar o layaa fo ten?»

YEGIL MBAAX NE YEESU ne Saŋ a bindtuuna 1:38

Yeesu a wiƈaqilooxa, a ga a den. Ye ta ga’na yee kaa ndeefanan, a laya a den ee: «Xar nu mbaaƭaa?» Ngoor kaa a ndoonaan ee: «Rabi (kaa tekit ‹o Caajangin oxe›), mam geno yee?»

2 Maad we 6:19

Eliise a laya a den ee: «A ƭat ale refee meene de, too teeru fee refee meene itam. Ndeefaamoo, um ɓis a nuun maa no koor oxe nu mbaaƭaa!» Maaga, a ɓisa a den na teeru faa Samari.

Mberaand 21:14

Abraham a inooxa ƥiiɓ teel, a xot puuru fo mboxos, a cooxin a Agaar ta gadooxin. A cooxaan itam o goor ole, soo a raxin. Agaar a reta, a mo’ik kam a koƥ-a-ƥor alaa Beer-Seeba.

Mberaand 37:14

Isra’el a layaan ee: «Reti ɗeetik fog faap we wo ndax njiree fo ndax tig damee ged laa. Cinj kaaga, o gar layaam.» Neene a lultun ta inoor na yulanq alaa Hebron, soo Yoseef a ret Sikeem.

Mberaand 37:16

Yoseef a doonaan ee: «Fog faap we mi um waaƭaa, ngela lalaam me da ngayaa!»