Mberaand 37:14 - NQAARIIT NE ROOG

¹⁴ Isra’el a layaan ee: «Reti ɗeetik fog faap we wo ndax njiree fo ndax tig damee ged laa. Cinj kaaga, o gar layaam.» Neene a lultun ta inoor na yulanq alaa Hebron, soo Yoseef a ret Sikeem.

Mberaand 37:14 Referans Kwoze

Mberaand 35:27

Yakoob a fadiida maa Isaak fee faap um, maaga Mamre kam Kiryat-Arba, refna ref Hebron me Abraham fa Isaak a ndeeƭna xa kataakoon.

YEGIL MBAAX NE YEESU ne Lik a bindtuuna 19:42

«Wo itam, boo waag’oona o and xaye ke waagoonga o ci jam! Kaa koy, ndiiki kaa mo a kid of.

A kim a tedu ke 125:5

We na ndeefaa a ƭat a quƴooxu ke koy, yaasam o Yaal oxe a rax a den, den fo fiifi paaxeer we! Yaasam Isra’el a ref na jam!

Yeremi 29:7

Mbaaƭyo jam fee na teeru fee ɓis’uuma a nuun took o hup doole too nqeɗooxanin o Yaal oxe, yaam jam um xan a ref jam nuun.›

1 Maad we 2:33

Yowab fo xa taan um o mat na ngadooxkan boo kili, ndaa Dawid fo xa taan um, ƥasil um fo maad we na mbaqaqoorkaa no ten fop xan o Yaal oxe a ci a den jam boo faw.»

2 Sami’el 18:32

O maad oxe a laamta o Kuukuus oxe yee: «O ƥees Absalom koy, mbaa tig damiran?» O Kuukuus oxe a doonaan ee: «Yaasam ke ŋutna o fes olaaga, a ŋol fañ we wo fo fop we siiknoorna fa wo o maad oxe, o yaal es!»

Yosuwe 14:13

Yosuwe a dalfooxa o barke a Kaleb fee o ƥiy Yefune soo a cooxin a Hebron.

A lim ale 13:22

A ndokta no ɓemb-roog o ñamaak ole no saax le soo a ndet boo Hebron maa Ahiman fa Sesay fa Talmay we ndeeƭna xa taan Anak, a ngen’ina. Sinjaan ne Hebron a adoorit’a ne Cowaan fee Misira xa kiid ɓetaa ƭaq.

Mberaand 41:16

Yoseef a doona a Firawon fee yee: «Refee yee mi ndaa Roog fa xoox um na cooxkang a tekit ale jofooxoonga.»

Mberaand 29:6

A laamtahina a den ee: «Mbaa jam rek a jegu?» Da ndoonin ee: «Jam soom a jegu kañ. Kaana sax Rakel fee o ƥeem o ndew oo na garaa fo ged le.»

Mberaand 23:2

Saara a xonta Kiryat-Arba na xoyeel a xoy Hebron no saax le Kanaan. Abraham a xaaraandaan soo a ñaawooxin.

Mberaand 13:18

Maaga, Abram a ɗisa ƭiif ke ten, a geniid no kariñ ke Mamre paam Hebron, a maxan o Yaal oxe maaga o sadaxand.

Yosuwe 14:15

Teeru fee Hebron kaa xoyoogel yaaga Kiryat-Arba. Kaa ne’it’el a Arba fee moƴ’ina o jeg gon a ndeer no Aa-anak we. Maaga, saax le a ñootnoox’ata na xire fee.

Mberaand 23:19

Cinj kaaga, Abraham a gasa a Saara fee o teem no luf naa no qol olaa refna Makpeela jasnoorna fa Mamre refna Hebron no saax le Kanaan.

Mberaand 37:15

Ye ta joqooyooxaa kam a koƥ ale, o koor a xeta fo ten, a laamtin ee: «Ndi xar o waaƭaa?»

Yosuwe 14:14

Neene Kaleb fee o ƥiy Yefune too a fog’u na qaw ale Kenisi a jegtu a Hebron, yaam ne ta nananna o Yaal oxe Roog fee Isra’el bo ta dey sik, too xa taan um maadun o njegaa boo xaye.

Haahate we 1:10

A ndalfooxa o inooxan Kaakanaan we ngeenoogna Hebron fee xoyoogeena yaaga Kiryat-Arba soo a nqaw a qaw ale Sesay, ale Ahiman fo ale Talmay.

2 Sami’el 11:7

Uriya a gara me Dawid, soo oxeene a laamtin nam Yowab fo xiixire waa a mbi’u fo nam a ñoq alaa.

Mberaand 43:27

Yoseef a laamta a den o wod-fo-ɓaal den, a lay a den ee: «Faap nuun fa nogoyu fee nu ne’oogaxama o mat, mbaa jam soom a jegu? Mbaa oxey a maadaa?»

1 Sami’el 17:22

Dawid a xaƴa a toq ale ten maa no xe yetooxoogna tig oo tig ke soo a ƴufan xiixire waa. Ndak fo ndak, ye ta fadiidna, a simnira fo maag we ten.

Esteer 2:11

Ñaal nuu refna Mordokay kaa joqooyooxoogu paam o daland ole no rew we, ndax ta and nam Esteer a fi’u fo xar xewu fo ten.