Mberaand 36:6 - NQAARIIT NE ROOG

⁶ Esawu a xota rew we ten, xa ƥiy xa koor fo xa tew axe ten, wiin mbind um fop, xa siir axe ten fo kalal ke ta jeg’ina no saax laa Kanaan fop, soo a xot a ƭat, a ret no saax lakas maa goƭna a Yakoob fee o ndeɓ um.

Mberaand 36:6 Referans Kwoze

Mberaand 32:3

Ye ta ga’na a den, a laya yee: «Meeke mat refu saŋe ne Roog.» A ne’a o mbiñ onqaaga Mahanayim.

Mbeeñil 18:13

A njikooxooga kanel fo safnir lakas fo qeeñe-xeeñe fa miir fo cuuraay. Biiñ fa diwliin fo mbiɗel fa bele fo qoox fo paal fo pis fo a sareet bo no faɗ, ndefna wiin ñoow sax, a njega.

Mberaand 28:4

Yaasam Roog a ci’ong barke fee Abraham, wo fo xa taan of, ndax o jegik saax le refoona o gataakoon, too ta ci’in a Abraham.»

Mberaand 25:23

O Yaal oxe a layaan ee: «Qeet ƭik ndefu no fud of. Xan qeet ƭik ke a nqaajoor yaa da sutoorkaa na wo. Fa leng no qeet keene xan moƴ o jeg doole fa lakas fee, too oxe na eetkeel o rim xan a ɓoxotoox no ƭikandeer oxe.»

Mberaand 17:8

Xam ci’ong, wo fo xa taan of, saax lene refiidoona o gataakoon, saax le Kanaan fop, too xam ref Roog den.»

Mberaand 13:11

Lot a jilana a xoox um boog joor fee no xuluɓ ole Yordaan fop, soo a xot farna fo batand. Neene a nqaajoortu a ndeer den.

Mberaand 13:6

Saax le da ndeeƭna deyee a den ndax da mbokatoor yaam o jeg ole den kaa may’u boo mbaag’ee ndef o mbiñ o leng.

Mberaand 12:5

A xota a Saarayi fee o teem fa Lot fee o ƥiy no ndeɓ um fo kalal ke da njeg’ina fop fo faɗ we da njegit’ina Xaraan. A inooxa soo a ndet no saax le Kanaan. Ye Abramiin a mbadiidna no saax le Kanaan,

Heseki’el 27:13

Yawan, Tubal fa Mesek kaa njikroogu fa wo. Kaa softoogu cula ke wo faɗ fo ƥaxañ xanjar.

Mberaand 36:5

soo Oholibaama a rim a Yewus, Ya’elaam fa Koora. Weene ndefu xa ƥiy axe Esawu ndimteena Kanaan.