Mberaand 36:2 - NQAARIIT NE ROOG

² Esawu a xotit’a rew we ten a ndeer no Kaakanaan we, da ndef Aada fee o ƥiy o ndew Elon o Heeheet oxe fa Oholibaama fee o ƥiy o ndew Aana, too a ref o ndaan Sibe’on o Hiihiwi xe fa

Mberaand 36:2 Referans Kwoze

Mberaand 36:25

Xa ƥiy axe Aana ndefu: Dison fee o koor fa Oholibaama fee o tew.

Mberaand 28:9

Naaga, Esawu a reta maa Isma’el. A gilgita maaga, fogreerna fo rew we ta jeg’ina, a Mahalaat fee o ƥiy Isma’el fee o ƥiy Abraham, too a ref itam o cigeen Nebayot.

Mberaand 27:46

Rebeka a laya a Isaak ee: «O ñoow kaa wataam xus nen ƈaq yaam roog we no Heeheet we. Boo Yakoob a waaƭitna o tew no roog we no Heeheet we ndefna no saax le, andiim xar deyum o ñoowaa!»

Mberaand 9:25

Maaga, a laya yee: «Kanaan a salooxe, fat a ref no maag we ten o paɗ oxe moƴna o hees!»

Mberaand 36:3

Basmat fee o ƥiy o ndew Isma’el, too a ref o cigeen Nebayot.

Mberaand 36:14

Oholibaama fee o ƥiy o ndew Aana too a ref itam o ndaan Sibe’on a rima fa Esawu a Yewus, Ya’elaam fa Koora.

Mberaand 36:24

Weeke ndefu xa ƥiy axe Sibe’on: Aya fa Aana. Aana feene ga’’u a cur a sumu ke kam a koƥ-a-ƥor alaa, a soƥ ta gayaa xa paam axe Sibe’on fee faap um.