Mberaand 35:2 - NQAARIIT NE ROOG

² Yakoob a laya ƥasil um fo waa ndeeƭna fo ten fop ee: «Mbatinyo roog can ke a ndeer nuun, nqoolandoox soo supit tikoorik.

Mberaand 35:2 Referans Kwoze

A sutax ale 19:14

Moyiis a fudooxiidahina o joong ole, a gar na xeet fee, a tedland a den soo a dapnoor a den tikoorik den.

A sutax ale 19:10

O Yaal oxe a dakooxa o lay a Moyiis ee: «Nomtooxi na xeet faa, tedland a den xaye fo o feet. Fat a ndap teen tikoorik den.

Saak 4:8

Matiidyo me Roog, too xan a matiid a nuun. Nuun baabakaad we, mbaasyo bakaad. Nuun wiin a yiif-a-ƭak, sutyo paaxeer na qeeñ nuun.

Hebre 10:22

Yaaga boog, fat i matiid a Roog fo xeeñ letu fo o ngim o mayu muut fo a koolax, yaam xeeñ in a xoola qac no fop ke na ɓisiidaa yiif jeejooxu, too cer in a ƥogte foofi fo jegee sik.

Heseki’el 18:31

Mbaasyo a pi a paaxeer ake nuun, supit a qeeñ ake nuun fo a yiif ake nuun. Nuun mbind Isra’el, xar taxu nu mbug o nqon?

Heseki’el 36:25

Xam wiis took nuun foofi fo xoolu, too xan nu nqoolandel. Xam xooland a nuun no ndoƭ ke nuun fop fo no nitaal roog cakalaaru ke nuun.

Yosuwe 24:23

Maaga, Yosuwe a laya a den ee: «Yaaga boog mbatinyo roog lakas ke ndefna a ndeer nuun soo a qeeñ nuun fop a njagin no Yaal oxe Roog fee Isra’el.»

Yosuwe 24:15

Nu mbugangee o mbaɗoox o Yaal oxe koy, njilyo xaye oxe nu mbugna o mbaɗoox, ta ref roog ke daan nuun a mbaɗooxoogna kaltaa Ofrat mbaat roog ke no Aa-amori we nu ngenna no saax den, ndaa mi fo ƥasil es o mat, o Yaal oxe i mbaɗooxkaa.»

Mberaand 18:19

Feek kaam jil a Abraham, ndax ta hebil xa ƥeem fo wiin mbind um da ngayaa a ƭat ale no Yaal oxe, a ndeefaa a ƭat fo o cofel, xam fadnanin a tegit ake fi’ananuuma.»

2 Korint 7:1

Nuun we fexuuma, tegit keene fop, in njegu a den. Ten taxu, fat i ƥogoox no fop ke na roɗgandaa cer in fo a yiif in. Fat i mbaaƭ o tedel, yaa i ñoowaa no fit a Roog.

1 Sami’el 7:3

Naaga, Sami’el a laya Ii-isra’el we fop ee: «A soƥangaa yee fo a qeeñ nuun fop nu nomtoortiidaa me no Yaal oxe, ndeɓyo roog can ke nu mbaɗooxaa fo xa taaƴ axe Astarte, soo ndam no Yaal oxe fo a qeeñ nuun fop too mbaɗooxan ten doŋ. Neene, xan a mucil a nuun na xa ƥay no Fiifilista we.»

A cangatin ale 32:16

A njumbandta fuux le ten roog can ke, a mbuuxnoortin a pi a cednooxu.

Mberaand 31:34

Rakel kaa jang’u teex ke, a fi a den ɗuga qerxa ne ta ŋaaytaa ngeeleemb um, soo a moof took fee. Laban a joktooxa ƭiif naa fop too ga’ee tig.

Mberaand 31:19

Laban koy kaa ruusik’u paal ke ten, Yakoobiin a ndef no mbind ne a ngebooxaa. Rakel a guuɗa teex ke faap um.

Yudaa 1:23

Mucilyo a den, nen kaa nu sutit a den na fiɗel. Yirimyo lakas we itam, ndaa koy fat nu njeg kaa nu saɗarna na den: Mbootooxyo toki ke den sax, nen kaa a yuxum den a ndoɗgandna.

Galati 4:8

Yaaga nu andafulee a Roog, kaa nu mbaɗooxoogu kaa refeerna Roog.

1 Korint 10:7

Ba nu ngeleeroox farna fo ke refeerna Roog nen leng-leng na den, ne ta bindteena yee: «Xeet faa a ndalfooxa o mbokatoor, a ñaamaa, a yeraa, soo a ndef na fa ŋas.»

A pi ake 19:26

Kaa nu nga’ee, ndi kaa nu nanee ke o koor oxene, tee Pool oo, a fi’na? Kaa lambnaa yee ‹Nitaal ke nu mbi’na roog ndefee Roog.› Ndiiki koy, oxe gimnooraa wiin mayu, refee kam Efees soom, ndaa boo no moƴ-o-jaak olaa no jegel olaa Asi sax a ngima.

Dañel 5:4

Den fop a yera biiñ soo a ndef no simataa roog ke mbi’teena wurus, xaaliis, xanjar, njelem, a teex fo a ƥil.

Heseki’el 20:7

Layaam a den ee: Fat oxuu refna na nuun a deɓ nitaal roog cakalaaru ke yulna a kid um. Ba nu nqoolaƭarandit a qoox nuun pangool ke Misira. Mi refu o Yaal oxe Roog nuun.

Yeremi 16:20

Ndax o kiin a waaga fi’an a xoox um roog? Ke na mbi’eel ndefee roog.»

Yeremi 13:27

Ga’aam ceeq ke wo fo woƈok-woƈok of, njaga sednooxu ne wo, nitaal roog cakalaaru ke wo took a ñaang ake na koƥ ale. Sabab took of, wo Yeerusaleem! Kaa o refkaa no nqoolaƭar boo a mban?»

Yeremi 5:7

O Yaal oxe kaa tee: «Wo Yeerusaleem, xar na taxkaa um waasanong? Xa ƥeef a mbaasaxam pelek soo a ndaaɓoortaa roog tefee ndigil ke. Ci’’aam a den fop ke da soxla’na, ndaa yaqanee da seeqaa, a kitkitnaa me na caga le.

Esayi 52:11

Nuun we saqna ƥaxañ ke kesaneena a paɗax ale no Yaal oxe, njangooxyo, ñof o ndet, sutoox a Babilon, too ba nu nduq dara kaa xoolaƭarna. Ƭofityo nqool, yaa nu sutooxan.

Esayi 1:16

Ƥogooxyo, ƥogdinoox! Fat a pi a paaxeer ake nuun a naang faq, nu mbaas paaxeer ke nu mbi’aa.

O baawaare xe 5:1

Ba o ñofandoox fa lay of, too baa xeeñ of a tay o fi a tegit mbaambir Roog, yaam Roog oxaay na asamaan, soo o ref took lanq ke. Baa fa lay of a jaak boog,

A kim a tedu ke 51:7

Ga’angi! Kaam rimel jofaƭar, too naa fudeema fud, o paabakaad refum.

A kim a tedu ke 51:2

Kaa naxooxaa ngenar ne no tuleer Natan me Dawid cinj ye oxeene a seeqna fa Batseeba.

Ke bindeena no xe ne’eena YOB 1:5

Ñaal ke no mbumbaay ne a mbaaf’angaa, Yob a lultooga xa ƥeem da ngar soo ta ɓogid a den. No feet olaa, a inooxooga ƥiiɓ teel, a ɓoxotan oxuu refna na den sadax fa ndoxel, yaam kaa xalaatoogu yee: «Xeƈa xa ƥees axe ñakee o mbakaad, a saloox a Roog na qeeñ den.» Neene deŋ Yob a fi’toogun kili.

1 Caloori ke 16:26

yaam roog ke no qeet ke fop roog tefee ndigil a ndefu, ndaa o Yaal oxe saku asamaan fee.

2 Maad we 17:29

Kaa koy, fuu refna no qeet ke kaa mbi’’u roog den, a ƥekin kam pind ke na ñaang a sadaxand ake Saasamari we a max’ina. Qeet ke no teeru ke Samari fop a mbi’a keene.

2 Maad we 5:10

Eliise a lulta o layanel a Naaman ee: «Reti ɓogook no xuluɓ olaa Yordaan boo a caf ɓetaa ƭaq, too xan cer of a mbod, soo o xool.»

2 Sami’el 7:23

Jegee took lanq ke xeet fa lakas faa nandna fa Isra’el fee xeet of. Ndax a jega xeet fa lakas faa watiidoona, fi’in xeet of, ndax gon of a joot? Fi’anaa a in a pi a maak a saɗarnooxu. Watantaa a xoox of xeet of no saax laa Misira soo rax a saax a can ake fo roog ke den mbaambir um.

Ruut 1:15

Maaga, Nowemi a laya a Ruut ee: «Ɗeeti, o kend of a nomtooxa na xeet um fo na roog um, wo itam oo, nomtooxi reefanin.»

Haahate we 10:16

Maaga, Ii-isra’el we a mbatna roog can ke a ndeer den soo a ndagooxataa o Yaal oxe waag’ateerna o muñ coono ke den.

Yosuwe 24:20

Nu nqaƴangaa o Yaal oxe, mbaɗook roog lakas, xan a geleerooxan a nuun, ndax ta fi a nuun paaxeer soo a moocand a nuun, ke ta fi’anna a nuun paax ƥor boo ndiik fop oo.»

Yosuwe 24:2

Maaga, Yosuwe a laya xeet fee fop ee: «Keeke o Yaal oxe Roog fee Isra’el a layu: ‹Daan we nuun kaa xottoonga na Teerax fee faap Abraham fa Nakoor ngenoogna yaaga no saax o lakas ole no xuluɓ o maak ole Ofrat kaa mbaɗooxoogu roog lakas.

Yosuwe 23:7

Ba nu ndokoor fo qeet ke maadna o ndefaa a ndeer nuun. Ba nu ne’aa a kon ake no roog ke den mbaat nu ndaaɓoortaa a den mbaat nu mbaɗooxaa a den mbaat nu ngungaa mbaambir den,

A cangatin ale 11:28

Kaa koy, xan nu salooxel, yaa nu nananeerna kebil ke no Yaal oxe Roog nuun, nqaƴ a ƭat ale simuuma a nuun xaye nu ndeef soo mbaɗook roog lakas kaa nu andeerna.

A cangatin ale 7:25

Fat nu ndox xa taaƴ axe no roog ke den. Nu yaawkee xaaliis fee mbaat wurus fee refna took xa taaƴ axeene, too nu njangkiran, yaam ndik ta ɓek a nuun nu mbaɗooxaa roog tefee ndigil ke. O Yaal oxe Roog nuun kaa sib keene.

A cangatin ale 6:14

Nu mbaɗooxkee roog lakas, roog ke no qeet ke na mbidkaa a nuun.

A cangatin ale 5:7

Faɗooxkiro a roog fa lakas faa refeerna mi.

A lim ale 31:24

Fat nu ndap toki nuun no ñaal ɓetuu ƭikandeer ne, too xan nu nqool, cinj kaaga xan nu mbaag o ndok kam saŋe ne.»

A paɗax ale 17:16

Kaa koy, a dapangee tikoorik um too ɓogooxee, xan a gadoox tooñ um.› »

A paɗax ale 15:5

Oxuu duqna njong neene, fat a dap tikoorik um, a ɓogoox. Yaqankee koy, xan a xoolaƭar boo no yaar olaa.

A sutax ale 23:13

Ngayyo fop ke layuuma a nuun. Ba nu ƈufginoox roog lakas ke. Kaam ee ba o leng a nanat a nuun nu ne’aa a kon den.»

Mberaand 35:22

Ye Isra’el a genna no jegel olaaga, Ruben a reta, a wondoox fa Bilha fee ngeƈ-a-salma ne faap um. Faap um a yega kaaga. Xa ƥiy axe Yakoob xarɓaxay fo ɗik a ndeeƭu.

Mberaand 34:2

Sikeem fee o ƥiy Hamoor o Hiihiwi xe maadooxanoogna saax laa a ga’aan, a gifin, soo a yoon fo ten took o gignin.

Mberaand 31:30

Ndiiki koy, feek xesaa boo ret yaam o diilooxaa mbind faap of, xar taxu o guuɗ teex ke mi?»

1 Sami’el 16:5

Sami’el a doona a den ee: «Ii, jam soom oo. Kaam gar ɓoxotiid o Yaal oxe sadax. Tedlandooxyo boog too ngar ndeer fa mi na sadax fee.» Sami’el a tedlanda a Isay fo xa ƥeem soo a xur a den na sadax fee.

Yosuwe 24:14

Ndiiki koy, saɗaryo o Yaal oxe too mbaɗooxin fo o ñak sik fo ngor. Mbatinyo roog ke daan nuun a mbaɗooxoogna, ye da ndefaa kaltaa Ofrat fo no saax laa Misira, soo mbaɗoox o Yaal oxe doŋ.