Mberaand 34:30 - NQAARIIT NE ROOG

³⁰ Maaga, Yakoob a laya a Simewon fa Lewi yee: «Nu ƥekaxam na qalam fo mbuuxir, ndeer es fo we ngenna no saax le no Kaakanaan we fo Peeperisi we. Mi fa xoox es, wiin mayeer jegum. Xan a mbokatooranaam, a mbaraam soo um saŋkoox fo ƥasil es.»

Mberaand 34:30 Referans Kwoze

A kim a tedu ke 105:12

ke nu may’eerna may fop oo, ndax ndef xa kataakoon no saax le.»

1 Sami’el 13:4

Isra’el fop a yega yee Sawul a wara a yaj no Fiifilista we, a yeg itam ee Fiifilista we a mbuuxana Ii-isra’el we. Maaga, xiixire waa fop a mbokatoora Gilgal maa Sawul.

Yosuwe 7:25

Yosuwe a laya a Akaan ee: «Wo o mat gartu taamaala fee in! Ndiiki koy, xan o Yaal oxe a doonong taamaala.» Maaga, Ii-isra’el we fop a mbartaan a kac, ten fo wiin um fop soo a ndox a den.

A sutax ale 5:21

A laya a den ee: «Yaasam o Yaal oxe a doon a ngid um took nuun too a hate a nuun, yaam kaa nu ngoƥat a in fa Firawon fee fo dag we ten, coox a den laƥ na xa ƥay den, ndax da saŋik a in.»

1 Caloori ke 19:6

Aa-amon we a and’ata koy ee a mbuuxnoora a Dawid. Ten taxu Hanuun fo Aa-amon we a njaɓ o ndabid Aa-araam we Mesopotami fo we Maaka fo we Cooba parig teemeed tadik fo parig qarɓeen nahik xaaliis fa nqoolu ndax da njeg a sareet-xire fo xiixire ŋaaŋaay pis.

1 Caloori ke 16:19

Weene may’ee dara, ndax a ndef xa kataakoon no saax le.

1 Sami’el 27:12

Akiis a hooloox’a a Dawid too kaa xalaatoogu yee: «Dawid kaa fi’at a xoox um o pañ no Ii-isra’el we, xeet um. Ten taxu xan a ref o tag es boo kili.»

Mberaand 13:7

Nqasir a jega ndeer gaynaak we na xa siir axe Abram fo we na xa siir axe Lot. Na jamaane faaga, Kaakanaan we fo Peeperisi we maad’u o ngenaa saax le.

Xa peƭit axe 15:27

Oxe buge’na kaa loraa mbind um, oxe jaɓeerna gerel o mat xan a ñoow.

Xa peƭit axe 11:29

Oxe topatooxeerna mbind um, nqeñ ƥor na refkaa a las um, too fanxoy fee o paɗ no cegu yiif oxe a refkaa.

Xa peƭit axe 11:17

O kiin oxe na fi’aa paax xoox um a fi’anan, oxe na fi’aa a ƭom-yedar o mat cer um sax sax a ñagadilaa.

1 Caloori ke 16:12

Mbetandooxyo com’andtu ke ta fi’na, mbetandoox comlaand ke ten fo kate ke ten,

1 Caloori ke 2:7

Karmi rimu a Akaan fee garit’ina taamaala took xeet fee Isra’el, yaam ne ta geekanna a xoox um no kalal ke o Yaal oxe a kesan’ina a xoox um.

1 Maad we 18:18

Eliya a doonaan ee: «Gartiim taamaala fa leng took xeet fee Isra’el, ndaa kañ wo fo mbind faap of o mat oo, yaam kaa nu mbañ o ngay kebil ke no Yaal oxe soo mbaɗooxaa a Baaliin nu mbi’na roog.

2 Sami’el 10:6

Aa-amon we a and’ata koy ee a mbuuxnoora a Dawid. Ten taxu da njaɓ o ndabid Aa-araam we ndefna Bet-Rehob fa Cooba xiixire cuni qarɓeen ƭik fo xiixire juni no we no maad oxe Maaka fo xiixire cuni xarɓaxay fo cuni ƭik waa ngenna Toob.

1 Sami’el 27:1

Dawid a laya taa no yiif um ee: «Na bes fa leng xan Sawul a mosaam o war. Jegiim pexey lakas, a refangee um ƴuf, jaɓnook no saax laa no Fiifilista waa. Neene, Sawul daabkatiraam kam o fiisel ole Isra’el fop, too xam waag o daɗ.»

1 Sami’el 16:2

Kaa koy, Sami’el a doonaan ee: «Nam um retitkaa? Xan Sawul a yegin soo a waraam.» O Yaal oxe a layahinaan ee: «Ɓislooxi o nqeel soo lay ee: ‹Kaam gar ndax um ɓoxot o Yaal oxe sadax.›

A cangatin ale 7:7

«O ga’angaa o Yaal oxe a damoox na nuun, a doon teen a jil a nuun, refee yee yaam kaa nu moƴ’u o may qeet lakas ke. O ɗeetangaan fo qeet lakas ke sax, nuun moƴu o neew a den.

A cangatin ale 4:17

o mem muumeen nuu ta waagna ref took lanq ke mbaat o mem ndiiƭ nuu ta waagna ref, a yetaa,

Mberaand 46:27

Xa ƥiy xa ƭaq axe Yoseef ndimteena Misira a limtange, ƥasil ne Yakoob ngar’ina Misira fop oo fop a ndeeƭa wiin qarɓeen ɓetuu ƭik.

Mberaand 12:12

too yaa Miimisira we a nga’kang xan a lay ee: ‹O teem oo!› Maaga, xan a mbaraam soo a nqaƴong o ñoow.

Mberaand 12:2

Xam sutit na wo xeet fa maak, too xam barke’ong. Xam fi’ong o yaal gon maak, too a cur barke tigi o refkaa.

Mberaand 34:2

Sikeem fee o ƥiy Hamoor o Hiihiwi xe maadooxanoogna saax laa a ga’aan, a gifin, soo a yoon fo ten took o gignin.

Mberaand 34:29

A njanga kalal ke den fop, xa caaƈ axe den fo rew we den fo itam ke reeƭna kam pind ke den.

Mberaand 34:31

A ndoonaan ee: «Ndax o cigeen in kaa fi’keel nen a caga?»

Mberaand 46:26

Wiin we yoon’ina fa Yakoob Misira too a mbaqaqoor’u no ten a ndeeƭa fop oo fop wiin qarɓeen ɓetuu fa leng fo wiin ɓetuu fa leng. Rew we na xa ƥiy axe Yakoob limit’aand.

A cangatin ale 4:27

Xan o Yaal oxe a pasar a nuun a ndeer qeet ke, nu ndefat o yoqatin o ndutuuñ na saax ake o Yaal oxe a ɓiskaa a nuun.

Mberaand 12:6

Abram a xaaña saax le boo no mbiñ onqaa ne’eena Sikeem, a suur boo no ngariñ naa More. Na jamaane faaga Kaakanaan we no saax le a ngenoogu.

2 Sami’el 16:21

Ahitofel a doona a Absalom ee: «Reti wondook fo keƈ-a-salma ke faap of a xaƴna meen da topatooxaa mbind no maad ne. Neene, xan Isra’el fop a yeg ee ɗegooraa fa faap of o kay, too we ndefna fa wo fop xan a saqat njambaar ndeyu sik.»

1 Maad we 11:25

No ñoow o ñis Salomo fop, Reson o pañ Isra’el a reeƭu, a fi’an paaxeer nen a Hadad, a siiknoor fa Isra’el no camaane ke ta maadooxanna a Araam fop.