Mberaand 34:20 - NQAARIIT NE ROOG

²⁰ Hamoor fa Sikeem fee o ƥeem a ndeta no ndokand naa na teeru fee, a lay kene goor waa na teeru faa:

Mberaand 34:20 Referans Kwoze

Ruut 4:1

Bowaas a reta no nqel naa na teeru faa, a moof maaga. Naaga, o koor oxe moƴ’ina o fog fa Elimelek, refna ref oxe Bowaas a ne’oogna a Ruut, a jooniida. Bowaas a xoyaan, a layin ee: «O koor o maak, garangi moof mene», ta gar a moof maaga.

Sakari 8:16

Keeke refu ke nu mbarna mbi: Naangyo layraa ndigil a ndeer nuun, ngate’taa ndigil no qeloorand ke nuun, ndax jam a jeg.

Amos 5:15

Kaam ee, nu sib paaxeer, mbex paax, ñaaƴin o cofel no xeloorand ole. Yaaga o Yaal oxe Roog fee Hupna fop a waaga yirimkaa a nuun, nuun yoqatin we no mbind Yoseef.»

Amos 5:12

yaam ga’aam paaxeer ke nu mbi’aa, na nqayaa ndetaa. Kaa nu ñagadilaa jofu we, ngindaa neexil, o ndool onqe nu nqañtin ɓur yaa fo nqeloor yaam o neew doole um.

Amos 5:10

Andaam koy ee nu mbugee oxaa lalna a nuun njofaƭar nuun, ne’atiim oxaa na doonaa nqol no ndigil ne yaa fo nqeloor.

Xa peƭit axe 31:23

O kor um kaa niweel no nqel ne, yaa ta moofna fo maak we no saax le.

Ke bindeena no xe ne’eena YOB 29:7

Um retoogangaa na baayo faa, ndax um moof na seek es no nqel naa,

2 Sami’el 15:2

Absalom kaa ɓiiɓoogatu, a geenoox na ƭat ale no ndokand ne na teeru fee. O kiin a daawir’ange boo a retaa no maad oxaa, ndax ta layoorel, Absalom kaa xoyoogun, a laamtin ee: «Mam geno?» O kiin oxe a layangaan a carind ale ta inoorna kam Isra’el,

A cangatin ale 17:5

fat nu ƥis oxe fi’uuna, ta ref o koor mbaat o tew, no don-maax ole na teeru fee soo mbartin a kac.

Mberaand 23:10

Efron o Heeheet oxe moof’ina a ndeer xa taan axe Heet, a doona a Abraham mbaambir xa taan axe Heet fo mbaambir no we ndeefoogna no ndokand ne na teeru fee yee:

Mberaand 22:17

xam barke’ong, mayƭand xa taan of, da mayit nen xa qoor axe na asamaan fo nen pep lanq na ƥeeraamb o maag. Xa taan of na mbugko maadooxa took fañ den.

Mberaand 34:19

Sikeem koy, miñand’ee tige, yaam kaa bug’u o ƥiy o ndew onqe Yakoob lool. Ten moƴ’e koy o niw no we no mbind faap um fop.

Mberaand 34:21

«Wiin wene paax ƥor a nqalaataa na in. Fat da yoq no saax le boog, a ñaaƴnaa ke da mbugna. Saax le a yaaja lool na den, xan i ngilgaa na xa ƥiy xa tew axe den, soo ci’aa a den xa ƥiy xa tew axe in a tolax.

A kim a tedu ke 127:5

O koor oxe waagna o mayƭandtin o xool um, a ɗaaya. Sedkee muk, yaa ta layaa fo fañ um no nqel ne.