Mberaand 34:14 - NQAARIIT NE ROOG

¹⁴ A ndoona a den ee: «Keene waagooxee na in. I ci’kee o cigeen in o koor o qucooxeer, yaam gaci fa maak oo na in.

Mberaand 34:14 Referans Kwoze

O leetar ole Pool a bindna GIMU WE NGENNA ROM 4:11

Cinj ye ta gimna boo a ƴut, a daawa nquc ne nen o ñaas. Kaa reeƭu o anddiloor no cofel ole ta daawit’ina na pexey o ngim um yaaga xucooxafulee. Abraham reeƭatu o taan no we nqucooxeerna fop, too a ngim na Roog, ndax da ƭeetel nen jofu.

Mace 2:13

Yaa yaal-o-and waa a ndetna, malaaka fee no Yaal oxe a feeñooxa a Yoseef no ƭaaɗ, too a layin ee: «Inooxi jang o ndeɓandoong onqe fa ya um, raay Misira. Moofi maaga boo yaa dakooxoonga o lay lakas, yaam xan Herood a waaƭin o ndeɓandoong onqe ndax ta saŋkin.»

Mace 2:8

Cinj kaaga, a lula a den Betleheem, a lay ee: «Ndetyo laamit qoolu kaa farna no ndeɓandoong onqe. Nu nga’angaan, yegnaamoo o ten, ndax mi itam um faɗookin.»

1 Maad we 21:9

Keeke refu ke ta bind’ina kam xa leetar axe: «Fat nu mbokat xeet fee ndax nu yegnit koor soo moofin a Naboot mbaambir den.

2 Sami’el 15:7

A cinj xa kiid xa nahaq, bes Absalom a laya o maad oxe yee: «Ci’aam um ret Hebron, ndax um fadin ke reguuma o Yaal oxe.

2 Sami’el 1:20

Ba nu yegnitin kam Gaat, ba nu lambin o nan oleene no ped ke Askalon, yaam ndik rew we no Fiifilista we a mbelakinoox, kaam ee ndik roog we na qucooxar akeene a mbeƈekoox.

1 Sami’el 17:36

Neene mat mi fee o tag of wartum njogoy ne fo ursu ne, too neene um fi’kaa o Fiifilista qucooxar oxene. Nen leng na den rek a refkaa, yaam a wena xiixire we Roog fa ñoow jok fee.»

1 Sami’el 17:26

Dawid a laamta xiixire waa ndeeƭna paam um ee: «Oxe na warkaa o Fiifilista xene, ndax ta watin o nqas onqe ta xasaa Ii-isra’el we xar a daawkaa? Ndi an o Fiifilista qucooxar oxene a foogu yee ten a refu boo a saɗ o wenaa xiixire we Roog fa ñoow jok fee?»

1 Sami’el 14:6

Yoonatan a laya o tag oxe saqoogna ƥonax ke ten ee: «Gariidi i ndet boo no daland olaa na qucooxar akeene. Xeƈa xan o Yaal oxe a farit a in, yaam dara waagiran o yaqan ta ci’it o ndam wiin we maya mayeer.»

Mberaand 17:14

O koor oxuu xucooxeerna fat a sutel xeet fee. Oxeene koor kaa ɗeg ngiɓoor es.»

Mberaand 17:11

Nquc ne na refkaa o anddiloor ole a ndeer es fa nuun.

Mberaand 34:13

Xa ƥiy axe Yakoob a ndoona a Sikeem fa Hamoor fee faap um fo o ƴiƴ, yaam Sikeem kaa yenit’u a Dinaa fee o cigeen den.

Mberaand 34:15

I mbaagee o njaɓan a nuun keene, a refangee boog kaa nu mbi nen a in, nqucoox, goor we a ndeer nuun fop a nqucoox.

Haahate we 14:3

Faap um fa ya um a layaan ee: «Ndax kaa jegee o toog na qaw in mbaat na xeet fee in fop boo a tax o waaƭtikaa o tew maa no Fiifilista xucooxar weene? Kaa koy, Samson a laya a faap um ee: «Xeɗankaam o ten rek, yaam ten felaxam.»