Mberaand 33:4 - NQAARIIT NE ROOG

⁴ Esawu a ƴufa, a xetiid fo ten, a farakooxin no cok, a foonin, soo den ɗik fop da ndef na xa lool.

Mberaand 33:4 Referans Kwoze

A kim a tedu ke 34:4

Ngaryo i tagas o Yaal oxe. Fat i simatandoor gon um.

YEGIL MBAAX NE YEESU ne Lik a bindtuuna 15:20

Cinj kaaga, a refa na ƭat, a nomtooxaa maa faap um. Ke ta maad’ina o goƭaa fop oo, faap um a ƴookaan, ta yuɗin lool. A ƴufa a xetookin, a farakooxin, soo a foonin.

Mberaand 32:28

O koor oxe a laamtaan ee: «Nam ne’ee?» A doonaan ee: «Yakoob.»

A pi ake 20:37

Fop a ndefa na xa lool, a mbarakoox a Pool soo a mboonan, a asooraa fo ten.

Xa peƭit axe 16:7

Boo a pesoorooƭ no kiin a felna o Yaal oxe, a naagaan o jofoorandaa fo fañ um sax.

Mberaand 46:29

Yoseef a humna a sareet ale ten, a waaƭooxanik a Goseen, a xetik fa Isra’el fee faap um. Yaa ta ga’uuna rek, a farakooxaan no cok, a lool miñu no cok ole faap um.

Mberaand 45:2

A dalfooxa o faɗoox boo Miimisira we a nanan, mbind no maad ne Firawon fee a yegin itam.

Ke bindeena no xe ne’eena YOB 2:12

A ƈooktaan koƭu, ndaa andid’iran. Ye da mbadiidna boo a nga ee ten oo, a ndalfooxa o mbaɗoox, a mbaar toki den soo a isdaa lanq ke took, ta yipooxaa na qoox den.

Nehemi 1:11

Ey, o Yaal oxe, rungi nof of boog na qeƭ ale no tag of fo na le no dag of we mbugna o saɗarong! Xaye, fi’i boo fop no tag of a ñaaƴ ta daaw yirmande fee no maad oxe.» Mi reeƭu koy oxe na topatooxaa a yer ale no maad oxe.

Mberaand 43:30

Cer um a naaga dayum yaam o ndeɓ um, xa lool a ndamin. A ñofa o rokik na ndok, soo a ref na xa lool.

Xa peƭit axe 21:1

A qalaat no maad kaa ndef nen a ƥaaxaand foofi no ɓay no Yaal oxe. Kaa ɓakandan muu feluuna.

Mberaand 43:34

Yoseef a diƈana a den no ke ta naqan’eena, Bensame o mat a diƈanaan kaa fodna nen a las ake no lakas we boo a caf a ƥetak. Den fop a yera biiñ boo a naang nep.

Mberaand 29:11

Cinj kaaga, Yakoob a farakooxa a Rakel, soo a lool,

Mberaand 29:13

Ndak fo ndak, ye a padiid ale Yakoob a naagna xot no yul nof Laban, a dalfooxa o ƴuf maa ten, a farakooxin. A ɓisiidaan no mbind naa, soo Yakoob a jangtooxin fop.

Mberaand 32:11

andaam ee o paaxel of fo ngor of ne lalaxamoona fop a njombaxam, mi fee o tag of. Ye jootuuma o xuluɓ ole Yordaan, retaa, o loq es rek saq’um, ndiiki koy mexe refata a yaj a ƭak.

2 Sami’el 14:33

Yowab a reta, a jangtoox o maad oxe xa ƭelem axaaga, soo ta xoyin a Absalom. Oxeene a gariida me ten, a gooknoox, a gung mbaambir um. Maaga, o maad oxe a farakooxaan.

1 Sami’el 20:41

A cinj ye o goor ole a retna, Dawid a sutoora me ta ɗas’ina laqa juum le na ƥil ake, a dalfoox o gooknoox, a gung boo a caf a tadak mbaambir Yoonatan. Den ɗik fop a ndalfooxa o mbarakoor, a ndef na xa lool xa ƭomu, moƴtaa sax Dawid.