Mberaand 33:18 - NQAARIIT NE ROOG

¹⁸ Ye ta inoorna Padan-Araam boo a gat, Yakoob a fadiida fa jam na teeru fee Sikeem kam saax laa Kanaan, soo a dal paam teeru faa.

Mberaand 33:18 Referans Kwoze

A pi ake 7:16

Xa tal den a ƥise Sikeem, a ngasel na mboy alaa Abraham a jikit’ina xaaliis. A mboy aleene koy, na xa ƥiy Hamoor axe inoor’ina Sikeem a jikit’un.

Haahate we 9:1

Abimelek fee o ƥiy Yerubaal a reta Sikeem, ndax ta ga’ir fa tokoorumiin fo mbind faap ya um fop. A laya a den ee:

Yosuwe 24:1

Yosuwe a fokata a carind ake Isra’el fop Sikeem. A xoyna maak we den, kelfa ke, haahate we fo aa-adax we no xiixire we Isra’el da ngar mbaambir Roog.

YEGIL MBAAX NE YEESU ne Saŋ a bindtuuna 4:5

a fadiida na teeru fa leng no saax laa Samari. Teeru faaga, Sikaar a ne’e, a ref paam o qol olaa Yakoob a xuuyan’ina a Yoseef fee o ƥeem.

Mberaand 25:20

Isaak a jeg’a xa kiid qarɓeen nahik ye ta giligna a Rebeka fee o ƥiy Betwel o Aa-araam oxe gen’ina Padan-Araam, too a ref o cigeen Laban o Aa-araam oxe.

YEGIL MBAAX NE YEESU ne Saŋ a bindtuuna 3:23

Saŋ o mat, oxaa batiise’tooga Enon paam Saliim, yaam maaga kaa may’u foofi lool, too wiin a ngarooga ndax da mbatiise’el.

Mberaand 46:15

Weene ndefu xa ƥiy axe Leya a jegna fa Yakoob kam Padan-Araam, fogreerna fa Dinaa fee o cigeen den. Xa taan um fop oo fop, goor oo rew oo, a ndeeƭa wiin qarɓeen tadik fo wiin daduk.

Mberaand 35:9

Roog a feeñooxahina a Yakoob ye ta nomtoortiidaa Padan-Araam, soo a barke’in.

Mberaand 28:2

Inooxi ret Padan-Araam no mbind Betwel fee faap ya of, o waaƭit o tew a ndeer xa ƥiy xa tew axe Laban fee o camin ya of.

Mberaand 12:6

Abram a xaaña saax le boo no mbiñ onqaa ne’eena Sikeem, a suur boo no ngariñ naa More. Na jamaane faaga Kaakanaan we no saax le a ngenoogu.

Mberaand 37:13

Bes, Isra’el a laya a Yoseef ee: «Mee ndax fog faap we wo Sikeem a molku! Gari, bo um lulong maa den!» A doonaan ee: «Iyo!»

Mberaand 48:7

Ye inooruuma Padan, Rakel a xonta Kanaan na kid es, a soƥ i mbaambnoox a Efrata. Gasaanum maaga Betleheem, refna ref na ƭat ale Efrata.»

A kim a tedu ke 60:6

Sipanaa we saɗaroonga a laay a anddiloor, ndax da ƈuf, a ndaɗik maaga a qali ke. A maaf

Yeremi 41:5

goor qarɓeen ɓetuu tadik waa inoortiidna Sikeem, Silo fa Samari a matiida Mispa. Kaa nduus’u xa taatam den, a nquuy toki den soo a ñaasoox. Kaa saq’u sadax tuufe-duufe fa cuuraay, ndax da ƥoxot a den kam Mbind ne no Yaal oxe.

Mberaand 31:25

Laban boog a daawa a Yakoob. Yakoob kaa sip’u ƭiif um no joong olaa, Laban fo fog um itam a sip ƭiif den no joong olaa Galaad.