Mberaand 33:10 - NQAARIIT NE ROOG

¹⁰ Maaga, Yakoob a doonaan ee: «Ha’aa, kaam xeɗang a soƥangaa kañ ee daawaam yirmande of, jaɓi ci’it neeke um cooxang, yaam ten taxu um ɗeet mukit of, ne mukit Roog a ɗeetteel, too jaɓaxamo.

Mberaand 33:10 Referans Kwoze

Ke bindeena no xe ne’eena YOB 33:26

A xeɗangaa a Roog, xan a jaaɓin. Xan a faɗooxan fo xa ƈeel, yaam ne Roog a daknuuna no sagu um.

Mbeeñil 22:4

Xan a nga mukit um, too gon um xan a bindel took a tagid den.

Yeremi 31:2

Keeke o Yaal oxe a layu: «Xeet fee ndaɗitna na bar ale a ndaawa yirmande kam a koƥ-a-ƥor alaa. Isra’el xan a waagat o ñoow no yaadax.»

Mberaand 32:30

Yakoob a laamtaan ee: «Nam ne’ee koy?» O koor oxe a doonaan ee: «Xar o laamtaa no gon es?» Cinj kaaga, a barke’taan maaga.

A kim a tedu ke 41:11

Kaa koy, wo o Yaal oxe, ngela yirmaam too inatinaam, ndax um waag o rabdinoox took den.

2 Sami’el 14:32

Absalom a doonaan ee: «Kaam lultiid maa wo, ndax um lulong maa no maad oxaa, o layanaam o ten ee: ‹Xar taxu um inoor Gesuur gat? O maad maaga sax moƴ’u na mi!› Ndiiki koy, kaam bug o ga’ir fo o maad oxe, too a soƥangaa yee paaxeer key na mi, fat a waraam.»

2 Sami’el 14:28

Absalom a fi’a xa kiid xa ƭaq Yeerusaleem axaa ta ga’eerna o maad oxe.

2 Sami’el 14:24

O maad oxe a laya yee: «Fat a xaad no mbind um! Ga’kee mukit es de!» Maaga, Absalom a xaada no mbind um too ga’ree fo o maad oxe.

2 Sami’el 3:13

Dawid a doonaan ee: «A faaxa, jaɓaam o hiɓ fa wo ngiɓoor, ndaa kañ xam laamtong leng: A refangee kaa o ɓislooxiidaam a Mikal fee o ƥiy Sawul, ba o fadiid me mi.»

1 Sami’el 20:3

Dawid a saƭka na: «Faap of a anda xil ee daawaam yirmande of, ten taxu ta xalaat ee: ‹Yoonatan wariran o yeg, yaam ndik ta naqadilin.› Kaa koy, ne ta wooritna yee o Yaal oxe xe ñoowaa fo ne ta wooritna yee woxe ñoowaa, a woora yee daaraand leng kut rokatu a ndeer es fo fa nqon!»

Ruut 2:10

Maaga, Ruut a dalfooxa naag giriƥriƥ a gooknoox, a gung na caf Bowaas, a layin ee: «Nam faaxto fa mi neeke, soo fextaam neen, mi fee andaandeena meen?»

Mberaand 50:4

Ye ñaal ke no ñaawax ne a mbaafna, Yoseef a laya we no mbind Firawon fee yee: «A soƥangaa yee daawaam yirmande nuun, ngela njangtooxanaamoo a Firawon fee ke um laykaa:

Mberaand 47:29

Ye ta andna yee ndiiki ta dab daan um, a xoya a Yoseef fee o ƥeem, a layin ee: «A soƥangaa yee daawaam yirmande of, dooni o ɓay of ɗuga a ñaal es too o fesoor fa mi o paaxel tigi. Ke um xeɗang refu yee: Ba o gasaam kam Misira.

Mberaand 19:19

Feek mi fee o tag of daawaam yirmande of, o lalaam o paaxel of boo mucil o ñis es, waagiim o ƴuf boo daawik xa coong axaa too taamaala fee daawiraam, too yaaga xam xon.

Mace 18:10

«Mbootooxyo o nqeef o leng na xa teɓandoong axene. Mexe layaa a nuun ee: Waxtu fuu refna malaaka kaa den ndefna kam asamaan kaa nga’aa a tagid Faap es fee na asamaan. [

Mberaand 43:3

Yudaa a layaan ee: «O koor oxaaga a maƭoox’a a in a paax ee: I nga’kee mukit um a refangee kaa o ndeɓ onqe in a yoon fa in.

Mberaand 33:9

Esawu a layaan ee: «O ndeɓ es, xenaam me refuuma. Geeki ke jegoona!»

Mberaand 33:11

Jangi boog ci’it ne um cooxang, feek Roog a mayƭandaxam fa barke, too jegaam fop ke soxla’uuma.» A fañaan o waas, boo neen Esawu a jaɓu.