Mberaand 32:7 - NQAARIIT NE ROOG

⁷ Duleer we a ndeta, soo a nomtooxiid me Yakoob, a layin ee: «I ndeta maa no maag of Esawu. Oxey a xetiidaa fa wo, a yoon fo goor teemeed nahik.»

Mberaand 32:7 Referans Kwoze

Mberaand 35:3

Xan i inoox, ndet Betel. Xam maxan maaga o sadaxand a Roog fee ƴufig’axama a koom alaa fa naqad es too a reeƭu fa mi na ñaaƈ ale mi.»

2 Timote 3:12

We mbugna o ñoow o ñoow o jofu tigi na Kiristaa Yeesu fop, xan a ñagadilel.

2 Korint 1:4

Ten refu oxe na yaalaa in no coono kuu ndefna, ndax na yaalax ale i njegitna na Roog, i mbaag o yaalik fop we ndefna kam coono.

A pi ake 14:22

A ndif’ooga a qeeñ ake no daalbe we, a saƭakinaa a den da sax no ngim onqe, too a layaa a den ee: «Kaa i mbar o ngom coono mayu, soo ndokkaa no Maat ne Roog.»

YEGIL MBAAX NE YEESU ne Saŋ a bindtuuna 16:33

Kaam lay a nuun keene, ndax nu njegit jam na mi. Xan nu njeg coono maak na adna fee, ndaa koy saƭakinooxyo, yaam mi gartu adna fee took.»

Mace 10:16

«Mexe lulaa a nuun nen paal kam xa moon. Fat nu ƈiƴit nen pangool, too ƥuuɓit nen a nuukuur.

Mace 8:26

Yeesu a laya a den ee: «Xar taxu nu ndiid? Nuun soo neew o ngim!» Cinj kaaga, a inooxa, a ŋal nqeñ ne fo o maag ole, too fop a naag’ata yereŋ.

Esayi 28:26

Roog um kaa aqatin ne ta waruuna o fi’it, a jangnin o ten.

Xa peƭit axe 2:11

Xan a kortax ale a gayang, o ƴiƴ ole a yetooxang.

A kim a tedu ke 142:4

Wo o Yaal oxe, andaa me um jofaa, yaa njambaar es a ɓutna. Ɗaapaneem mbog na ƭat ale xotuuma.

A kim a tedu ke 107:6

Maaga, kam naqad den, a ƈufginooxa o Yaal oxe, soo ta sut a den no coono den.

A kim a tedu ke 61:2

Wo Roog, nan-gilooxi xa buuq es, rung nof of na qeƭ es.

A kim a tedu ke 31:13

Kaam weecel nen o qon, nen o ƥaxañ o yaqooxatin.

A sutax ale 14:10

Firawon fee kaa moƴ’u o matiidaa a den. Ii-isra’el we a mbiƈaqilooxa too a ƈooka Miimisira we a ndeefaniidaa a den. Ndak fo ndak, Ii-isra’el we a ndiida lool too a ƈufginooxa o Yaal oxe.

Mberaand 32:11

andaam ee o paaxel of fo ngor of ne lalaxamoona fop a njombaxam, mi fee o tag of. Ye jootuuma o xuluɓ ole Yordaan, retaa, o loq es rek saq’um, ndiiki koy mexe refata a yaj a ƭak.

A kim a tedu ke 112:5

Ndaw o ɗaay no xe na yirmaa, a ɓandtaa, a ñaaƴnaa fop um na ƭat.

Mberaand 32:3

Ye ta ga’na a den, a laya yee: «Meeke mat refu saŋe ne Roog.» A ne’a o mbiñ onqaaga Mahanayim.

Mberaand 32:8

Diid a dama a Yakoob, ta naqadiloox. A dalfooxa o xaaj ƭik wiin we ndeeƭna fo ten, a xaaj ged le, o siir ole fo keeleemb ke itam, yaam ee:

Mberaand 33:1

Yakoob a yoɗa a kid um soo a ƴook a Esawu a garaa, a yoonit goor teemeed nahik. A xaaja xa ƥiy axe ten, wene me Leya, wene me Rakel, wene me no jeefeer ɗik we ten.