Mberaand 32:31 - NQAARIIT NE ROOG

³¹ Yakoob a ne’a o mbiñ onqaaga Penu’el yaam ee ga’aam a Roog jaxrañ soo maad o ñoowaa.

Mberaand 32:31 Referans Kwoze

2 Korint 12:7

Neene koy, yaam com’andtu ke no peeñil keene, sooxaneem kam cer es a bej, ndax jimbooxkiim kam a magnandax. A bej aleene kaa fadtiidaa nen oxaa Saytaane a lulna, ndax ta xijlaam boo magnandooxkiim.

2 Korint 12:9

Kaa koy, a doonaxam ee: «Yirmande es a deyaang, yaam katil es, we neewna doole a refanu.» Ten taxu yoo, xam moƴ o fakoorit o neew doole es a paax, ndax katil ne Kiristaa a fudoox took es.

A kim a tedu ke 38:17

Mexe xeɗang ee ba da mbelakinoox na mi, a njeeraam yaam njom ne mi.

Haahate we 8:8

Gedeyon a inoora maaga, a suur Penu’el soo a xeɗ we ngenna maaga leng kut ke. Waaga o ndoonaan leng kut ke wiin we Sukot a ndoon’uuna.

Mberaand 32:25

Cinj kaaga, Yakoob a moofa ten soom. O koor a dalfooxaan o song, da ndef no maafir, boo neen mbeet ne a leeliidaa.

Mberaand 19:23

Ye njeeƈ ne a wataa, yaaga Lot a rokaa kam Sowaar.

Mberaand 19:15

Yaa mbuyukuun naa a xoolaa, malaaka ke a ndefa no mbam’aa a Lot ee: «Inooxi xot o teef fo xa ƥiy xa tew xa ƭaq axe wo ndefna meeke, yaam ndik o saŋkoox no njofaƭar ne na teeru fene.»

Mberaand 32:32

Ye njeeƈ ne a wataa, yaaga o koor oxe a jootaa a Penu’el, Yakoob o mat a ref no laƴaa fek le.

1 Maad we 12:25

Yerobowam a saƭkanda teeru fee Sikeem kam o jegel olaa na xa coong axaa Efrayim soo a gen maaga. Cinj kaaga, a inoora Sikeem soo a saƭkand teeru fee Penu’el.

1 Maad we 18:26

A njanga nqoox ne da cooxeena, a nqendandin, cinj kaaga da ndef no ƈufginooxaa a Baal no kaa xotitna no nqes naa boo na waxtu njeeƈ ndeer xoox, a layaa yee: «Baal, jaaɓi a in!» Kaa koy, njeg’ee o jaaɓ o leng ke da mbecoogna me widna o sadaxand ole da max’ina fop oo.

Mberaand 16:13

Agaar a laamtooxa yee: «Ndax no ndigil kaam ga meeke sax a Roog fee na ga’axam?» A ne’a o Yaal oxe lay’ina fo ten El-Ro’i ee wo refu Roog fee na ga’axam.

A sutax ale 24:10

A nga’a a Roog fee Isra’el. Me ta dakoogna koy, kaa nand’u fo ɓil safiir, a xoolit nen a asamaan fee.

A sutax ale 24:11

Roog fi’ee maak Ii-isra’el weene ƭomu leng. Kaa ngorooxoogun, a ñaamaa, a yeraa.

A cangatin ale 5:24

soo lay ee: ‹O Yaal oxe Roog in a lala a in o ndam um fo o magnel um, too i nana o ñuxur um a ndeer fiɗel le. Xaye boog i nga’a yee Roog a waaga o lay fo o kiin, soo oxeene a maad o ñoowaa.

A cangatin ale 5:26

O kiin oxum mosu o nan o ñuxur ole Roog fa ñoow jok fee, ne i nantuuna ta fangooraa a ndeer fiɗel le, soo a maad o ñoowaa?

Haahate we 6:22

Gedeyon a andata yee malaaka fee no Yaal oxe a reeƭu soo ta lay ee: «O Yaal oxe na refkaa boo faw, sabab took es, yaam ga’aam malaaka no Yaal oxe jaxrañ.»

Haahate we 6:23

O Yaal oxe a layaan ee: «Fat o laaw of a dal, ba o saɗar, xonkiro.»

Esayi 6:5

Maaga, layaam ee: «Sabab took es! Saŋkooxaam kañ, yaam kaam ref o kiin oxaa xaaɗna o don, gen a ndeer xeet faa nqaaɗna o don itam, soo a kid es a nga o Maad oxe, o Yaal oxe Hupna fop!»