Mberaand 32:24 - NQAARIIT NE ROOG

²⁴ A joota fa den a ƈufnand alaa, soo a jootin o jeg um fop.

Mberaand 32:24 Referans Kwoze

Efees 6:12

Yaam i mbaree o maafir fo wiin we, ndaa fo kelfa ke fo sañ-sañ ke fo aa-adax we na yiif ake ndefna no niɓaan ole fo katil ke na yiif a paaxeer ake ndefna ndeer asamaan fa lanq.

YEGIL MBAAX NE YEESU ne Lik a bindtuuna 13:24

«Ngoorgoorlooxyo o ndokit no don-maax o ŋooɓu le, yaam mexe layan a nuun, xan mayu a njeem o ndokit teen too mbaagkiran.

Mberaand 32:28

O koor oxe a laamtaan ee: «Nam ne’ee?» A doonaan ee: «Yakoob.»

Efees 6:18

Mbi’yo keene fop, yoonandtin a qeƭ, nqeɗaa o ndimle Roog na pexey Yiif le. Saƭikyo no keene boog, ngen teen, too nqeɗanaa tedu we fop.

Mberaand 32:30

Yakoob a laamtaan ee: «Nam ne’ee koy?» O koor oxe a doonaan ee: «Xar o laamtaa no gon es?» Cinj kaaga, a barke’taan maaga.

YEGIL MBAAX NE YEESU ne Lik a bindtuuna 22:44

Ne ta naqadiloox’ina, a dakooxa o xeɗ fo daalbe waa ten, too onj le ten kaa fi’’u nen toq fo’oy kaa na yenaa a lanq.]

Mberaand 30:8

Rakel a laya yee: «Na pexey Roog maafraam fo o maag es soo maafin.» A ne’a o goor ole Neftali.

1 Korint 15:47

O kiin o eetaand oxe kaa hat no lanq, a ref laalanq, o ƭikandeer oxe a inoor na asamaan.

Kolos 4:12

Epafaras fee nu mbogitna xeet oxe simnaa a nuun. O tag Kiristaa Yeesu yoo, too a naaga o gomreel na qeƭ yaam nuun, ndax nu ñak sik, saƭik no fop ke refna o bug Roog.

A kim ale na kim ake 2:17

Boo yilmaan le a helko fo yenaa, soo yook ke yee mes, gatiidi, wo xe buguuma bug, ñofi gat took xa coong axe suleena qeeñe-xeeñe, nen mbat mbaat njaf ndeɓ.

Mberaand 48:16

yaasam malaaka fee wataxama no paaxeer kuu refna a barke xa koor axene! Fat da lastiteel gon es fo a kon ake no daan es Abraham fa Isaak. Yaasam da njeg xa taan xa mayu muu refna kam saax le.»

Hebre 5:7

Kam o ñoow um na adna fee, Kiristaa kaa xeɗoogu a Roog fee waag’uuna o mucil na fa nqon, a yoonandtin xa iin fo xa kooniit. Roog a jaɓa a qeƭ um, yaam ne ta ɓoxotoox’ina no ten.

Kolos 2:1

Kaam bug nu and xil ne um gomriteel yaam nuun fo yaam we ndefna kam teeru fee Lawodise fo yaam fop we andoona sax ee a kid in mosee o ndoonoor,

O leetar ole Pool a bindna GIMU WE NGENNA ROM 15:30

Fog we, yaam Yeesu Kiristaa fee refna o Yaal in fo yaam o mbeq onqe Yiif Tedu le a ci’taa, kaam xeɗaa a nuun nu yoon fa mi, maafrel, nqeɗanaam a Roog.

Esayi 32:2

Oxuu refna na den xan a ref nen laqooxand naa na fegaa nqeñ ne fo ndaɗand naa na kalaa a und a maak ale, a ref nen a ƈufnand foofi kam o mbiñ o mbeeru, nen yook ɓil maak no lanq koɗome.

A sutax ale 14:27

Moyiis a letna o ɓay um took o maag ole. Farna fo mbeet naa, o maag ole a nomtooxa ne ta reeƭna. Miimisira we ƈufoogatna koy, a nqawra fo poofi ke, too o Yaal oxe a moƴa o riñ a den kam o maag ole.

Mberaand 18:2

Abraham a yoɗa a kid um, soo a ga goor daduk waa ngoƭ’eeruuna. Yaa ta ga’na a den, a inoora no ndokand ne no ƭiif ne ten, a ƴuf a xetook a den. A gunga a lanq,

Mberaand 32:23

Yakoob a inooxa no yeng o leng kut olaaga, a xot rew ɗik we ten fo jeefeer ɗik we ten fo xa ƥiy xa koor axe ten ndeeƭna xarɓaxay fo o leng, soo a joot fa den njootand naa Yabok.

Mberaand 32:25

Cinj kaaga, Yakoob a moofa ten soom. O koor a dalfooxaan o song, da ndef no maafir, boo neen mbeet ne a leeliidaa.

Yosuwe 5:13

Bes, a soƥ Yosuwe a ref paam Yeriko, a yoɗa a kid um, a ga o koor oxaa jasnoorna fo ten, a woos laƥ um. Yosuwe a matiidaan soo a laamtin ee: «Fa in faro ndi fo fañ in?»

Dañel 10:8

Mi soom yoq’u maaga, ɗeetaa mbeeñil maak neene, ñakat doole, foor a kid, nandakaanat too jegatiim o njembe.