Mberaand 32:14 - NQAARIIT NE ROOG

¹⁴ Yakoob a fe’a no mbiñ onqaaga. A jila no ke ta saq’ina kaa ta ci’na a Esawu fee o maag um,

Mberaand 32:14 Referans Kwoze

Ke bindeena no xe ne’eena YOB 42:12

O Yaal oxe a barke’a ke yoqna no ñoow ole Yob kupu ne ta fi’it’uuna eetaand. Neene, Yob a jeg’ata cegel cuni xarɓaxay fo cuni nahik na ked ake ten fo na xa siir naak axe ten, keeleemb ke a ndef cuni ɓetuu fa leng, qoox ke a ndef cuni ƭik, soo xa paam xa tew axe a ndef juni.

Ke bindeena no xe ne’eena YOB 1:3

a jeg cegel cuni ɓetuu ƭik na ked ake ten, keeleemb ke a ndef cuni tadik, qoox ke a ndef juni, soo xa paam xa tew axe a ndef teemeed ƥetik. Jaajal we no koor oxeene itam a siw’a lool, too ten moƴ’u o ref o siide no batand ne fop.

A cangatin ale 8:18

Fat nu mbetandoox ee o Yaal oxe Roog nuun na ci’aa a nuun doole faa nu njegitna halal feene, ndax ta saƭkand ngiɓoor ne ta daaɓooxna fo daan nuun, ne ta fi’tan boo xaye.

1 Sami’el 25:2

A jeg’a kam Mawon o koor o cegu halal tigi. A jeg’a paal cuni tadik fo pambe juni. O jeg ole ten Karmel a reeƭu, too a reeƭa maaga, ndax paal ke ten a nduusel.

Mberaand 31:16

Halal fee Roog a jaɓitna na faap in fop, in njegatun, in fo xa ƥiy in. Ndiiki daal, fi’i fop ke Roog a hebloonga.»

Mberaand 31:9

Roog kaa jaɓ o siir ole faap nuun soo a cooxaam o ten.

Mberaand 30:43

Yakoob kaa moƴ’u moƴ o jegaa halal. A jeg’a a ked a mayu, jeefeer fo dag, keeleemb fo xa paam.

Mberaand 31:10

No camaane ke cegel ke a ŋaayooxaa, ɗaaɗaam o ga a suk ake na ŋaayaa tew ke, a njeel, akene a njeg a nox, akaana a ƥalig.

Mberaand 32:13

Wo layaxam ee: ‹Xam fi’anong paax, fi xa taan of a mayit nen pep lanq na ƥeeraamb o maag, a may boo mbaagkaand o lim.› »

Mberaand 32:15

pambe tew teemeed ƭik fo a suk pambe qarɓeen ƭik, paal tew teemeed ƭik fo a suk paal qarɓeen ƭik,

Mberaand 33:11

Jangi boog ci’it ne um cooxang, feek Roog a mayƭandaxam fa barke, too jegaam fop ke soxla’uuma.» A fañaan o waas, boo neen Esawu a jaɓu.

Mberaand 43:11

Isra’el fee faap den a laya a den ee: «Feek neene yoo de, neeke nu mbi’kaa: Ƥisanyo o koor oxaaga ɗang no tikoorik ke nuun, ƥisloox teen no paax ke no saax le, teex ƭuumooxel, suum, qeeñe-xeeñe, miir, xa pistaas fo xa tim amaand.

Xa peƭit axe 17:8

A jega waa mboogna yee nger kaa ref ɓil laa na gartaa muud, muu da ndetna, a njeg ne da mbugna.