Mberaand 32:13 - NQAARIIT NE ROOG

¹³ Wo layaxam ee: ‹Xam fi’anong paax, fi xa taan of a mayit nen pep lanq na ƥeeraamb o maag, a may boo mbaagkaand o lim.› »

Mberaand 32:13 Referans Kwoze

Mberaand 43:11

Isra’el fee faap den a laya a den ee: «Feek neene yoo de, neeke nu mbi’kaa: Ƥisanyo o koor oxaaga ɗang no tikoorik ke nuun, ƥisloox teen no paax ke no saax le, teex ƭuumooxel, suum, qeeñe-xeeñe, miir, xa pistaas fo xa tim amaand.

Xa peƭit axe 18:16

Neexil kaa wetanaa o yaal um a ƭat, a ɓisin me no wiin maak we.

Xa peƭit axe 21:14

Ci’it ne cooxteena na kunpa kaa ɓoosdandaa fuux, neexil ne ɓoxoteena na pet a riimnaa ngañak.

Xa peƭit axe 19:6

Wiin mayu kaa njeyaa o kiin o maak oxe, fop a ndef xaariit no xe na ci’taa.

Xa peƭit axe 17:8

A jega waa mboogna yee nger kaa ref ɓil laa na gartaa muud, muu da ndetna, a njeg ne da mbugna.

Mberaand 43:26

Yaa Yoseef a gatna no mbind naa rek, a ƥoxotaan ci’it ke da saq’ina, soo a ngung a lanq mbaambir um.

1 Sami’el 25:27

Ndiiki koy, jaɓi ci’it ke ɓisiidoonga. Lasiryo a den, wo fo yoon of.

1 Sami’el 25:8

Waagaa o laamit a den, too xan a layong o ten. Ten taxu Dawid kaa xeɗang o faax fa in na xew feeke i ngarna me wo. Ci’i a in, in we dag of fo o ƥeef Dawid no ke jegoona.› »

Mberaand 42:6

Yoseef kelfa a reeƭu kam saax laa. We no saax laa fop ten jikooxoogu a den bele. Fog faap we ten a ngara, a ngung a lanq mbaambir Yoseef.

Mberaand 33:10

Maaga, Yakoob a doonaan ee: «Ha’aa, kaam xeɗang a soƥangaa kañ ee daawaam yirmande of, jaɓi ci’it neeke um cooxang, yaam ten taxu um ɗeet mukit of, ne mukit Roog a ɗeetteel, too jaɓaxamo.

Mberaand 18:2

Abraham a yoɗa a kid um, soo a ga goor daduk waa ngoƭ’eeruuna. Yaa ta ga’na a den, a inoora no ndokand ne no ƭiif ne ten, a ƴuf a xetook a den. A gunga a lanq,

Mberaand 32:14

Yakoob a fe’a no mbiñ onqaaga. A jila no ke ta saq’ina kaa ta ci’na a Esawu fee o maag um,

Mberaand 33:8

Esawu a laamtaan ee: «Xar jagandano xa siir axene fop xettuuma?» Yakoob a doonaan ee: «Ndax um daaw yirmande no yaal es.»

Mberaand 13:16

Xam fi xa taan of a mayit nen pep lanq, a may boo mbaagkaand o lim ne pep lanq a mbaagaandeena o limit.

Mberaand 15:5

A ɓisaan tafil faa soo a layin ee: «Limi xa qoor axe, o waagangaa lim a den!» A ɓaata teen ee: «Neene mat xa taan of a mbodkaa!»

Mberaand 22:17

xam barke’ong, mayƭand xa taan of, da mayit nen xa qoor axe na asamaan fo nen pep lanq na ƥeeraamb o maag. Xa taan of na mbugko maadooxa took fañ den.

Nehemi 4:13

Layaam maak we, kelfa ke fo fop we maad’uuna yee: «Calel ke a magna, a yaaj, too kaa i pictoor no saŋe ne, ngoƭatir.