Mberaand 32:11 - NQAARIIT NE ROOG

¹¹ andaam ee o paaxel of fo ngor of ne lalaxamoona fop a njombaxam, mi fee o tag of. Ye jootuuma o xuluɓ ole Yordaan, retaa, o loq es rek saq’um, ndiiki koy mexe refata a yaj a ƭak.

Mberaand 32:11 Referans Kwoze

Xa peƭit axe 18:19

O pog o tooñe moƴu ɗom o riimnel ee o rok kam teeru fa njegu saŋe, o xasir fo ten a moƴ o ɗom o xafel ee o wet a kinglir no mbind no maad.

Mace 6:13

too ba o waas a in, i ndok no mbog, ndaa mucli a in no paaxeer oxe. [Yaam wo jegu maat fa katil fo o ndam bo na moos boo moos. Amiini.]›

Hoose 10:14

Ten taxu xan combol a jeg a ndeer xeet nuun, soo saŋe ke nuun fop a yaqel, ne Salmaan a gefit’ina a Bet-Arbel a koom alaa fa xire fee, maa yaay a duguñit’eena fo xa ƥeem.

Dañel 3:17

Kaaga a jegangaa, Roog fee i ndagoo-xaa a waaga o mucil a in na fuur faa na kaƥaa jir-jir, too xan a mucil a in na xa ƥay of sax, wo o maad oxe.

A kim a tedu ke 142:6

O Yaal oxe, wo um ƴufginooxaa, damtin ee: «Wo refu njaɓnooxand es, a las ale jegooduuma took lanq ke no ñoow we.

A kim a tedu ke 119:134

Wataam no wiin we na ñagadilaxam, ndax um gay bargal of.

A kim a tedu ke 43:1

Wo Roog, ɓoxotaam ɓur, fartaam no gimaƭaru we, muclaam no maamaaɓ we fo no fiifi paaxeer we!

A kim a tedu ke 31:2

O Yaal oxe, na wo um jaɓnooxaa. Koo ba um sed muk, wataam kam o cofel of!

A kim a tedu ke 25:20

Saytooxi o ñis es too muclaam! Koo ba um sed muk, mi fee na jaɓnooxaa me wo!

A kim a tedu ke 16:1

A cangtax alaa fogna na ke Dawid oo. Wo Roog, saytooxaam, yaam na wo um jaɓnooxaa.

1 Sami’el 24:15

Daali maad Isra’el, ndi an o xire’tikaa? Kaam ee ndi an o daabaa? Mee ndax mi yoo, mi fee refna o ɓox o xonu, ref mbiindiin soom.

1 Sami’el 12:10

A ƥaata o ƈufginoox o Yaal oxe too a layin ee: ‹I mbakaada, yaam kaa i nqaƴong soo mbaɗooxaa a Baaliin, Astarteyiin. Ndiiki koy, mucli a in na xa ƥay no fañ in, too yaaga xan i mbaɗooxong.›

Mberaand 27:41

Esawu a dalfooxa o fuuxan a Yakoob, yaam barke fee faap um a barke’uuna. Esawu kaa layoogu no xeeñ um ee: «Ndiiki faap es a xon, too a koom xam war a Yakoob fee o ndeɓ es.»

A cangatin ale 22:6

Oxuu soƥna na ƭat ale, ta ref took ndaxar mbaat a lanq, ndut ndiiƭ naa yaay fee a ɓopna a ƥoof ake mbaat ta ɓop xa ƥeem, waree xot a yaay fee.

Mberaand 27:42

Rebeka a yegne a ƭelem akaaga na Esawu fee taaw um. Maaga, a xoyna a Yakoob, a layin ee: «Me ta refna koy, Esawu kaa bugong o war ndax ta rabdinoox took of.

Mberaand 32:3

Ye ta ga’na a den, a laya yee: «Meeke mat refu saŋe ne Roog.» A ne’a o mbiñ onqaaga Mahanayim.

Mberaand 32:7

Duleer we a ndeta, soo a nomtooxiid me Yakoob, a layin ee: «I ndeta maa no maag of Esawu. Oxey a xetiidaa fa wo, a yoon fo goor teemeed nahik.»

Mberaand 33:4

Esawu a ƴufa, a xetiid fo ten, a farakooxin no cok, a foonin, soo den ɗik fop da ndef na xa lool.

Mberaand 24:27

a lay ee: «O Yaal oxe Roog fee no yaal mbind es Abraham a hela o simatel, ten fee xañeerna o yaal mbind es o paaxel um fo ngor um. Mi fa xoox es sax o Yaal oxe a ɗoxiidaxam boo no mbind ne no fog we no yaal mbind es!»

2 Sami’el 7:18

Maaga, o maad Dawid a gara, a moof mbaambir no Yaal oxe, a xeɗin ee: «Wo o Yaal oxe na refkaa boo faw, mi fo ƥasil es, xar i ndefu boo o fadniid a in mene?