Mberaand 32:10 - NQAARIIT NE ROOG

¹⁰ Yakoob a laya yee: «Roog fee no taan es Abraham, Roog fee na faap es Isaak, o Yaal oxe wo fee lay’axama yee: ‹Nomtooxi no saax of, no mbaafaap of, too xam fi’anong paax›,

Mberaand 32:10 Referans Kwoze

A kim a tedu ke 18:35

Ten na aqataa xa ƥay es a ñoq, a dimle’axam um ɗaay a qali xanjar ale boo ta peŋ.

Mberaand 24:27

a lay ee: «O Yaal oxe Roog fee no yaal mbind es Abraham a hela o simatel, ten fee xañeerna o yaal mbind es o paaxel um fo ngor um. Mi fa xoox es sax o Yaal oxe a ɗoxiidaxam boo no mbind ne no fog we no yaal mbind es!»

2 Sami’el 7:18

Maaga, o maad Dawid a gara, a moof mbaambir no Yaal oxe, a xeɗin ee: «Wo o Yaal oxe na refkaa boo faw, mi fo ƥasil es, xar i ndefu boo o fadniid a in mene?

1 Piyeer 5:5

Neene itam, nuun mbes ke, nananyo maak we. Saqyo nuun fop a neewandax, ta ref nen pay nguloor nuun, yaam «Roog kaa fañaa we na magnandooxaa, a yirmaa we neewandooxna».

2 Korint 12:11

Kaam ɗofoogu, ndaa nuun o mat ƥek’axam teen, yaam nu mbaraxam o kañaa. Andaam ee um tek’ee tus oo, apootar hupalu we nuun na magnandoo­xaa ngupiraam no tus.

YEGIL MBAAX NE YEESU ne Lik a bindtuuna 17:10

Neene o mat a reftu na nuun. Nu mbi’angaa ke nu simeena boo ƈut, layyo yee: ‹Faɗ jegee njiriiñ i ndefu, ke i simeel soom i mbi’aa.› »

YEGIL MBAAX NE YEESU ne Lik a bindtuuna 5:8

Yaa Simoŋ Piyeer a ga’na kaaga, a naaga giriƥriƥ, a gooknoox paam Yeesu, too a lay ee: «O Yaal oxe, goƭaam yaam o paabakaad refum.»

Mise 7:20

Xan o lal xa taan axe Yakoob ngor of, feeñil we mbaqaqoorna na Abraham o mbeq of, ne daaɓoortanoona fo daan in no camaane kaa yaaga.

Esayi 63:7

Kaam yegnitaa a pi yirmande ke no Yaal oxe, a tagas ake ten no paax ke ta fi’anna a in fop. Kaam yegnitaa o paaxel um no mbind Isra’el, paax ke ta fi’anna a den fop no mbeq um fo na yirmande um fa mbagkatar.

Esayi 6:5

Maaga, layaam ee: «Sabab took es! Saŋkooxaam kañ, yaam kaam ref o kiin oxaa xaaɗna o don, gen a ndeer xeet faa nqaaɗna o don itam, soo a kid es a nga o Maad oxe, o Yaal oxe Hupna fop!»

Xa peƭit axe 4:18

A ƭat ale no jofu we kaa nand nen a qoolaand mbeet, meleƈ um a ɓaatooxaa boo njoloor o mbuc.

A kim a tedu ke 85:10

A woora yee a muc um oxe paam no we saɗaruuna, too xan o ndam onqe a gen no saax in.

A kim a tedu ke 84:7

Boo da nqaañaa a yulanq ale na xa lool axe, kaa suptooxaa xur mayu a cur, soo a teƥ ale a mayƭandan fa barke.

A kim a tedu ke 61:7

Ci’i o maad oxe o xuuɗ. Yaasam we no mbind um a ƭisel xa puum!

A kim a tedu ke 16:2

Kaam layaa o Yaal oxe yee: «Wo refu o Yaal es, ke faaxna na mi fop na wo a hatu.»

A kim a tedu ke 8:5

kaa um laamtooxaa yee: Xar o kiin a refu ref, boo tee kaa o moof xalaman? Ndi, xar o ƥiy Aadama a refu, boo tee kaa o moof topatooxan?

Ke bindeena no xe ne’eena YOB 17:9

Kaa da layaa yee: «O cofu xe kaa damaa a ƭat um nuu ta saxitna saxit, oxe xa ƥay um a nqoolna a moƴ a moƴ o saƭkaa.»

Ke bindeena no xe ne’eena YOB 8:7

O jeg ole ñakoona xan a ref nen tig caakeer paam ke o daawkaa.

A cangatin ale 8:18

Fat nu mbetandoox ee o Yaal oxe Roog nuun na ci’aa a nuun doole faa nu njegitna halal feene, ndax ta saƭkand ngiɓoor ne ta daaɓooxna fo daan nuun, ne ta fi’tan boo xaye.

Mberaand 32:7

Duleer we a ndeta, soo a nomtooxiid me Yakoob, a layin ee: «I ndeta maa no maag of Esawu. Oxey a xetiidaa fa wo, a yoon fo goor teemeed nahik.»

Mberaand 32:5

A hebla a den ee: «Fat nu layanaam o yaal es Esawu yee: O tag of Yakoob kaa tee: Ret’aam no mbind Laban, moof maaga boo fa ndiik.

Mberaand 30:43

Yakoob kaa moƴ’u moƴ o jegaa halal. A jeg’a a ked a mayu, jeefeer fo dag, keeleemb fo xa paam.

Mberaand 28:15

Mi fa xoox es, mexey fa wo. Xam saytooxong muu refoona, too xam nomtiidong o mbiñ onqene. Xaƴkiroong muk a refangee kaa um fadin ke layuuma.»

Mberaand 18:27

Abraham a layaan ee: «Ga’angi, fo ut fo ndaw rek refum soo fi neeke layaa fo o Yaal oxe.

2 Sami’el 17:24

Dawid a fadiida Mahanayim, ye Absalom a xaañaa o maag o maas olaa, ten fo goor Ii-isra’el we fop ndeeƭna fo ten.

Mberaand 24:12

Cinj kaaga, a laya yee: «O Yaal oxe, Roog fee Abraham fee o yaal mbind es, kaam xeɗang o xetandaam fo ke buguuma xaye too o lal a Abraham fee o yaal mbind es o paaxel of.

Mberaand 28:13

O Yaal oxe koy, kaa geenoox’u paam um, soo a layaa yee: «Mi refu o Yaal oxe Roog fee no taan of Abraham, Roog fee Isaak. Lanq ke wondooxoona, xam ci’ong a den, wo fo xa taan of.

Mberaand 31:3

Maaga, o Yaal oxe a laya a Yakoob ee: «Nomtooxi no saax laa faap ofiin, no mbaafaap of, too xam ref fa wo.»