Mberaand 31:12 - NQAARIIT NE ROOG

¹² A layaxam ee: ‹Yoɗi a kid of too ɗeet, a suk ake na ŋaayaa tew ke fop kaa njeel, akene a njeg a nox, akaana a ƥalig, yaam ga’aam fop ke Laban a fi’oonga.

Mberaand 31:12 Referans Kwoze

A sutax ale 3:7

O Yaal oxe a layahina yee: «Ga’aam ne xeet es a xijliteel no saax laa Misira, too nanaam xa buuq den, yaam ne da ñaatlandeel. Kaam ee andaam coono den.

A cangatin ale 24:15

Ñaal nuu refna, fat nu ƥoxotan ndabid um boo njeeƈ ne a helko fo mudaa, yaam kaa rool too a soxla’a ndabid um no ñofu. Nu mbi’angiran, xan a loolook a nuun me no Yaal oxe, too yaaga nuun na ngadooxkaa bakaad fee.»

Mberaand 31:42

Boo Roog fee no taan es, Roog fee Abraham refna ref fee Isaak a faɗooxaa, a farit’eeraxama, raxkoogaxamo xa ƥay xa ƥor. Roog kaa ga coono es fo jale es, ten taxu ta maƭooxong no yeng ole faafna.»

Efees 6:9

Nuun yaal pind ke, ñaaƴnityo neene a ndeer nuun fo faɗ nuun. Mbootooxyo o mbi a den ƭomu. Fat nu yeg fo and ee nuun mbogu o Yaal o leng kut oxe refna na asamaan, too no ten jegee camtirand leng.

A pi ake 7:34

Ga’aam ne xeet es a xijliteel no saax laa Misira, too nanaam xa iin den. Ten taxu, fudooxiidaam ndax um wat a den. Ndiiki koy gari, um lulong maaga.›

O baawaare xe 5:8

Ke moƴna no saax refu yee a koƥ ale na xooxeel a jeg o maad oxaa na xoxtan.

A kim a tedu ke 139:3

Boo um ñaaƴaa mbaat um ñootnooxaa, andaa, too muu o jaf es a dakaa, kunpa’irang.

A kim a tedu ke 12:5

Wiin weene kaa layaa yee: «Ɗelem in refu doole in. I mbaaga fa lay tigi, an na refkaa o yaal in?»

A paɗax ale 19:13

Ba nu ñoowit onj no kiin o lakas, too ba nu njaɓ tig um. Ba nu mbe muk fo ndabid no saasaadnax nuun.

A sutax ale 3:9

Nanaam xa buuq axe no Ii-isra’el we too ga’aam o ñaat ole Miimisira we a toroxandtaa a den.

Mberaand 31:10

No camaane ke cegel ke a ŋaayooxaa, ɗaaɗaam o ga a suk ake na ŋaayaa tew ke, a njeel, akene a njeg a nox, akaana a ƥalig.

A kim a tedu ke 10:14

Wo o mat, dara kunpa’irang. Kaa o ga’aa we na coono’aa fo we naqadilooxna, ndax o saytoorit a den o ɓay of. O ñaatu xe na wo a ɓoxotooxaa, too kaa o ƴufgaa o waan ole.