Mberaand 31:1 - NQAARIIT NE ROOG

¹ Bes, Yakoob a nana xa ƥiy axe Laban a nqasooxaa yee: «Yakoob a janga fop ke faap in a jeg’ina, too fo keene a fokatanooxtu halal fene fop.»

Mberaand 31:1 Referans Kwoze

O baawaare xe 4:4

Ga’aam ee ŋus-ŋus fuu refna fo calel ñaaƴu kuu ndefna ciis rek garu fo ten. Keene kaa refahin kasaara fo a ƥaaƈ a ƥor.

1 Piyeer 1:24

Yaam a binde yee: «Cer kuu ndefna kaa nand nen daaƭ, soo o ndam um fop a ref nen piɗ daaƭ. Daaƭ le xan a weer, soo piɗ ke a yen a lanq,

Tiit 3:3

In itam, wiin ñaku a qoox i ndeeƭu yaaga. Kaa i nanaƭar’u, mo, ndef faɗ a yuxum in fo no kuu na ci’aa a in baneex. Kaa i ñoowoogu no coxod, siisaa, ndef waa njareena o sib, sibraa.

1 Timote 6:4

oxeene kiin kaa magnandooxaa, too andee dara boo dara a fag. Kaa jir, laamit ñaku xoox a damin, ta dapaa fa lay, a dapatinan. Meene o mat, ciisir ke fo qasir ke fo a ben ake fo fooganaa o kiin paaxeer, a ngatu.

Mace 4:8

O ƈiƴ oxe a dakooxaan o ɓis took o joong o jigdu lool, a lalin maat ke ndefna na adna fee fo kalal ke den fop,

Heseki’el 16:44

«Oxuu na laytaa xa peƭit xan a feranong o feƭit olene: ‹O ƥiy o ndew ya um a noonaa!›

Yeremi 9:23

Kaa koy, fat oxe bugna o fakoox, a fakoorit kene: O jeg-yiif fo o andaam, yaam mi refu o Yaal oxe na fesoortaa o paaxel, a ƭat fo o cofel took lanq ke. Keene soom felaxam.» O Yaal oxe layun.

Esayi 5:14

Jaaniif oxe ɗaaya a peep, a wet o don um bo ta fag. Maaga, wiin maak we boo no fo mboƭomsogor ne xan a njimboox teen fo yo’in den fo mbumbaay den.

Xa peƭit axe 27:4

Ngañak kaa yedin, fuux le a ref nen poofi kaa mbalna, naal koy, an waagun o xox?

Xa peƭit axe 14:30

O laaw o dalu refu o ñoow cer, naal o mat a ŋeesaa o kiin.

A kim a tedu ke 57:4

Yaasam ta heblantiidaam na asamaan oxaa muclaxama, a sednoor we na ŋaalooxanaxam! A maaf Yaasam Roog a hebliid o mbeq um fo ngor um!

A kim a tedu ke 17:14

O Yaal oxe, muclitaam o ɓay of no wiin we, no wiin we na adna fene, a las den a refna no ñoow olene. Kaa o mayƭandtaa xa pud den ke geekoona, xa ƥiy den a ndeyƭoox teen soo a nqaƴan xa caaƈ axe den ke da mbaaskaa gañ.

Ke bindeena no xe ne’eena YOB 31:31

Ndax wiin mbind es layoogee yee: «An ñaameeru boo a naag tem na tegeƴ ake ten?»

Esteer 5:11

A fakoorta mbaambir den o magnel ole na halal um, xa ƥeem xa koor xa mayu fo ne o maad oxe a yoɗit’uuna ta hupat kelfa ke fo dag we no maat ne fop.

Mberaand 45:13

Fat nu njangtoox a faap es o ndam onqe mi kam Misira fop fo ke nu nga’na, too fat nu ñof o ƥisiid a faap es meeke.»

Mberaand 30:43

Yakoob kaa moƴ’u moƴ o jegaa halal. A jeg’a a ked a mayu, jeefeer fo dag, keeleemb fo xa paam.

Mberaand 31:2

Yakoob a ga’a yee a tagid ale Laban nandatee nen eetaand kaa.

Mberaand 31:43

Laban a doona a Yakoob ee: «Rew wene xa ƥees oo, mboƥ ne a ndef xa taan es, o siir ole a ref o siir es, too kene o ga’aa mene fop mi jegun. Xar waagum o fi’an xaye xa ƥiy xa tew axe mi mbaat xa ƥiy axe da ndimna.