Mberaand 30:9 - NQAARIIT NE ROOG

⁹ Ye Leya a ga’na yee fa ndim um kaa geenoox, a janga a Silpa fee o ceefeer um, a cooxin a Yakoob nen o teem.

Mberaand 30:9 Referans Kwoze

Mberaand 30:4

A cooxaan a Bilha fee o ceefeer um, soo Yakoob a yoon fo ten.

Mberaand 30:17

Roog a jaɓa a qeƭ ale Leya, soo ta rok o fud, a riman a Yakoob o ƥiy o ngoor o ƥetkandeer um.

Mberaand 29:35

A rokahina o fud, a ñoot o ƥiy o ngoor, a lay ee: «No jaf leeke, xam simat o Yaal oxe.» Ten taxu ta ne oxaaga Yudaa. Maaga, a xaƴa fa ndim.

Mberaand 16:3

Maaga, Saarayi fee o tew Abram a janga a Agaar fee o Miimisira xe refna ref o ceefeer um, a cooxin a Abram fee o kor um a cinj ye da ngenna xa kiid xarɓaxay kam saax laa Kanaan.

Mberaand 30:8

Rakel a laya yee: «Na pexey Roog maafraam fo o maag es soo maafin.» A ne’a o goor ole Neftali.

Mberaand 30:10

Silpa fee o ceefeer Leya a rimana a Yakoob o ƥiy o ngoor.

Mberaand 29:24

Laban a cooxa a Leya fee o ƥeem o ndew a Silpa ta refik o ceefeer um.

Mberaand 46:18

Weene ndefu xa taan axe Yakoob fa Silpa fee Laban a coox’ina a Leya fee o ƥeem ta refik o ceefeer um. A ndeeƭa fop oo fop wiin xarɓaxay fo wiin ɓetuu fa leng.