Mberaand 30:43 - NQAARIIT NE ROOG

⁴³ Yakoob kaa moƴ’u moƴ o jegaa halal. A jeg’a a ked a mayu, jeefeer fo dag, keeleemb fo xa paam.

Mberaand 30:43 Referans Kwoze

Mberaand 30:30

O ndik onqe jeg’oona eetaand, ga’aa ne ta ɓaatoorna, too o Yaal oxe a barke’aang no kaa xotitna no ñaal naa rokiiduuma no mbind of. Ndiiki koy, a mban um jalankaa ƥasil es?»

Mberaand 24:35

O Yaal oxe a barke’a o yaal mbind es, too o kiin o maak oo ndiiki. O Yaal oxe a ci’aan a ked fo xa siir, xaaliis fa wurus, dag fo jeefeer, keeleemb fo xa paam.

Mberaand 13:2

Abram a jeg’a halal tigi, ta ref no cegel, na xaaliis fo na wurus.

O baawaare xe 2:7

Waaƭaam faɗ goor fo rew, too jegaam waa ndimteena no mbind es. Jegaam xa siir fo a ked bo ta dey sik, kupu ke we adooxaxama Yeerusaleem fop a njeg’ina.

Mberaand 33:11

Jangi boog ci’it ne um cooxang, feek Roog a mayƭandaxam fa barke, too jegaam fop ke soxla’uuma.» A fañaan o waas, boo neen Esawu a jaɓu.

Mberaand 32:10

Yakoob a laya yee: «Roog fee no taan es Abraham, Roog fee na faap es Isaak, o Yaal oxe wo fee lay’axama yee: ‹Nomtooxi no saax of, no mbaafaap of, too xam fi’anong paax›,

Mberaand 28:15

Mi fa xoox es, mexey fa wo. Xam saytooxong muu refoona, too xam nomtiidong o mbiñ onqene. Xaƴkiroong muk a refangee kaa um fadin ke layuuma.»

Mberaand 12:16

Abram o mat a dalne a paax yaam o tew oxe. A cooxe a ked fo xa siir fo xa paam fo faɗ goor fo rew fo xa paam xa tew fo keeleemb.

Heseki’el 39:10

Ndaxanikkee xa cuuƭ na koƥ ale too seɓkee a den kam suungaan le, yaam ƥonax ke na ndefkaa umbel ke na fiɗel le. Xan a mbalit o jeg no we mbalit’ina o jeg den soo a njang kalal ke no we njang’ina kalal ke den. Mi o Yaal oxe na refkaa boo faw layun.

Mberaand 31:42

Boo Roog fee no taan es, Roog fee Abraham refna ref fee Isaak a faɗooxaa, a farit’eeraxama, raxkoogaxamo xa ƥay xa ƥor. Roog kaa ga coono es fo jale es, ten taxu ta maƭooxong no yeng ole faafna.»

Mberaand 36:7

Oxuu refna na den kaa jeg’u halal fa mayu boo nqeƈ’atee o mbiñ o leng, too o jegel ole da ndeeƭna dey’atee a den yaam xa siir xa magnoodu xe den.

YEGIL MBAAX NE YEESU ne Lik a bindtuuna 12:45

Kaa koy, boo ta refna o paɗ oxaa na layaa taa no yiif um ee: ‹O yaal mbind es oxe miñaa a koƥ›, soo a refat no xawaa faɗ we ta doxneena, goor fo rew, a ñaamaa, a yeraa wayaa,

Mberaand 30:42

Cegel ke a ŋak’angaa koy, kesanoogee a den a xoox um. Neene, ŋaku ke a ndeeƭata o jeg Laban, soo kiñu ke a ndef o jeg Yakoob.

Mberaand 31:1

Bes, Yakoob a nana xa ƥiy axe Laban a nqasooxaa yee: «Yakoob a janga fop ke faap in a jeg’ina, too fo keene a fokatanooxtu halal fene fop.»

Mberaand 32:5

A hebla a den ee: «Fat nu layanaam o yaal es Esawu yee: O tag of Yakoob kaa tee: Ret’aam no mbind Laban, moof maaga boo fa ndiik.

Mberaand 32:14

Yakoob a fe’a no mbiñ onqaaga. A jila no ke ta saq’ina kaa ta ci’na a Esawu fee o maag um,