Mberaand 30:33 - NQAARIIT NE ROOG

³³ O feet fat o gar ɗeet ndax gore’aam ndax nam. Njegel nuu ga’oona too jeelee mbaat naa jegeerna nox mbaat ɓalgee, xam ref na wo o kuuɗ.»

Mberaand 30:33 Referans Kwoze

Esayi 59:12

Kaa i nanaƭaranong a caf a mayu. Tooñ ke in kaa njambaa a in, pakaad in a nqox na yiif in, too i anddilooxata tooñ ke in.

A kim a tedu ke 37:6

Xan a feeñil o cofel of nen mbeet, wargal of nen njoloor o mbuc.

2 Sami’el 22:21

O Yaal oxe kaa rabdaam o cofel es, a saɗgaam na pesoorooƭ es a paax.

1 Sami’el 26:23

O Yaal oxe na rabdaa oxuu refna o cofel um fo ngor um. Xaye o Yaal oxe a ɓoxot’aang na xa ƥay es, ndaa bug’iim muk o xuuf o ñoow of, yaam wo o mat refu o maad oxe ta ɗuumna.

A sutax ale 13:14

Yaa xa ƥiy nuun a laamitkaa a nuun ee: ‹Xar kene a tektu?›, fat nu ndoon a den ee: ‹Na pexey katil fa maak fee ten, o Yaal oxe a suttu a in Misira, maa i ndeeƭna faɗ.

Mberaand 31:37

Ye joktooxoona tikoorik ke fop, xar ga’o no tikoorik ke no mbind es fop? Laliidaam o ten meeke mbaambir fog es fo fog of, da ndef seede!

Mberaand 30:32

Xam reefan ged le fop xaye, kes no paal ceel ke, ke njegna a nox mbaat ƥalgu ke, pambe ke itam neene. Keene na refkaa ndabid es.

Mberaand 30:34

Laban a layaan ee: «Fat a refit ne laytanoona!»