Mberaand 30:27 - NQAARIIT NE ROOG

²⁷ Laban a layaan ee: «A soƥangaa yee daawaam yirmande of, yoqi mene. Kaam layel no mbeeñil ee wo taxu o Yaal oxe a barke’aam.»

Mberaand 30:27 Referans Kwoze

A pi ake 7:10

a muclan no coono ke ten fop. A ci’aan itam o and fo yiif mbaambir Firawon fee o maad Misira. Oxeene o mat dod’un ta adooxan saax laa Misira fo mbind um fop.

Esayi 61:9

Xa taan nuun xan a andel muu refna, we mbaqaqoorna na nuun a andel na saax ake fop. We na ƈookkaa a den xan a anddit a den xeet faa o Yaal oxe a barke’na.»

Ruut 2:13

Ruut a doonaan ee: «O yaal es, ga’aam o mat ee faaxaa fa mi, yaalaxamo, lay fa mi nen oxaa na layaa fa xaariit um. Yaag oo toox de, fodiim fo o leng no jeefeer we wo.»

Mberaand 26:24

No yeng olaaga, o Yaal oxe a feeñooxaan, a layin ee: «Mi refu Roog fee na faap of Abraham. Xam barke’ong soo mayƭand xa taan of yaam o tag es Abraham.»

A sutax ale 3:21

Xam fi itam, ndax xeet feene a soƥ yirmande mbaambir Miimisira we, ndax bo nu ndetaa, nu ndetkee o ƥor.

Mberaand 12:3

We na salankang paax, xam barke a den, ndaa oxuu salooxoonga, xam salooxin. Qeet ke na adna fee fop na wo a mbarke’itkeel.»

Mberaand 47:25

A ndoonaan ee: «Muclaa a in feek i ndaawa yirmande of, wo fee o yaal in, too i njaɓa o ndefik faɗ Firawon fee.»

Mberaand 33:15

Esawu a layaan ee: «Kaam bug o xaƴong boog fo a qaaj a leng no wiin we mi.» Yakoob a doonaan ee: «Um daawangaa yirmande no yaal es rek a deya.»

Mberaand 30:30

O ndik onqe jeg’oona eetaand, ga’aa ne ta ɓaatoorna, too o Yaal oxe a barke’aang no kaa xotitna no ñaal naa rokiiduuma no mbind of. Ndiiki koy, a mban um jalankaa ƥasil es?»

Mberaand 18:3

soo a lay ee: «O Yaal oxe, a soƥangaa yee daawaam yirmande of, ba o joon o paɗ of suuraa.

Dañel 1:9

Roog a fi’’a boo oxe kelfa’’ina cawdiin ke a jeg o liir na Dañel,

1 Maad we 11:19

Hadad a daawa yirmande fee Firawon boo ta ci’in o ndeɓ no teem ta dolooxankin, o ndeɓ o ndew no kelwaar o tew oxe ne’eena Tahpenes.

A lim ale 11:15

O naagangaam o doonkaa keene, mexe xeɗang o waraam, ndax ga’katiim naqad feene, a soƥangaa yee daawaam yirmande of.»

Mberaand 34:11

Sikeem oo a laya a faap Dinaa fo jamin we ten ee: «Kaam xeɗaa yirmande nuun rek, too kuu nu laacaxama, yaaga xam cooxin a nuun.

Esayi 65:8

O Yaal oxe kaa tee: «Ne nduunq xa biiñ axaa mayna foofi a layteel ee: ‹Baa yaqel, yaam kaa barke›, neene um fesooritkaa fo dag es tigi, yaqkiim a den.

Esayi 6:13

A yoqahinangaa teen a qaaj xarɓaxayandeer no wiin we, weene yoo xan a mbuuɓel. Kaa koy, ne ngariñ mbaat ndaxar maak lakas a yoqtaa fanq, yaa ta fuuɓeena, neene a yoqitkaa fanq, too teen o fog ole no tedu we a saxitkaa.»

A kim a tedu ke 1:3

Oxeene kiin kaa ref nen ndaxar njimbe paam o ƈufnand foofi, a rimaa na waxtu um, a gen no neepaa kili. No kuu ta rokna rek, xan a ñaaƴ.

Nehemi 2:5

soo doon o maad oxe yee: «Daali maad, a soƥangaa yee a jofooxaang, too o tag of a felaang, ci’aam um ret Yudaa, na teeru faa daan es a ngaseena, ndax um maxatinin.»

Nehemi 1:11

Ey, o Yaal oxe, rungi nof of boog na qeƭ ale no tag of fo na le no dag of we mbugna o saɗarong! Xaye, fi’i boo fop no tag of a ñaaƴ ta daaw yirmande fee no maad oxe.» Mi reeƭu koy oxe na topatooxaa a yer ale no maad oxe.

1 Sami’el 16:22

Sawul a lulta, ndax ta layanel a Isay ee: «Kaam xeɗang o xaƴaam fa Dawid ta jalanaxam, yaam a felaxam lool.»

A lim ale 11:11

A laya o Yaal oxe yee: «Xar taxu o naqadilaam, mi fee o paɗ of? Xar taxu o xañaam yirmande of soo gadnaam xeet fene fop?

Mberaand 44:5

Mee ndax na tokol ale o yaal mbind es a yertaa too teen a ɗeetnoortaa! Nu mbi’a paaxeer ye nu mbesoorna neene.› »

2 Sami’el 6:11

Arka ne no Yaal oxe a jeg’a a qool a tadak no mbind Obed-Edoom fee inoor’ina Gaat, soo o Yaal oxe a barke a Obed-Edoom fo ƥasil um fop.