Mberaand 30:26 - NQAARIIT NE ROOG

²⁶ Ndiiki koy, cooxaam rew we mi fo xa ƥiy axe mi, taxna um jalanong, too xam ret, yaam wo fa xoox of andaa ke jalanoonga.»

Mberaand 30:26 Referans Kwoze

Hoose 12:12

Galaad njofaƭar doŋ a fofu, a ref o koohod. Kaa sadaxtaa qoox kam Gilgal. Ten taxu xa sadaxand axe den xan a ndefat nen a cuum a kac na cur ake na xa qol axe.

Mberaand 29:30

Yakoob a yoona itam fa Rakel fee ta moƴ’ina o bug ee Leya. A jalahina no mbind Laban xa kiid ɓetaa ƭaq xa lakas.

Mberaand 31:31

Yakoob a doona a Laban ee: «Kaam saɗaroogu no yiif es ee xan o jaɓ xa ƥeef xa tew axe.

Mberaand 31:26

Maaga, Laban a laya a Yakoob ee: «Xar fi’axamo kene? Xar taxu o naxaam, soo ɓis xa ƥiy xa tew axe mi nen waa ndamteena na xire?

Mberaand 31:6

Nuun fa qoox nuun, nu andooda yee jalanaam a faap nuun tigi.

Mberaand 29:18

Yakoob koy, Rakel a bug’u. A laya yee: «Xam jalanong xa kiid ɓetaa ƭaq yaam Rakel fee o ƥeef o ndew refna mbat-fo-ɗeen.»