Mberaand 30:22 - NQAARIIT NE ROOG

²² Roog a wetandooxa a Rakel, a jaɓ a qeƭ um, soo a fi’in o tiirim.

Mberaand 30:22 Referans Kwoze

Mberaand 29:31

O Yaal oxe a ga’a yee Leya bug’aand lool, soo a fi’in o tew o tiirim, Rakel o mat a ref o tew o timar.

Mberaand 8:1

Roog a wetandooxa a Nowe fo muumeen ke fo cegel ke ndeeƭna fo ten na kaal ale fop. Roog a wuuɗa nqeñ took lanq ke soo poofi ke a mbaajoox.

A kim a tedu ke 113:9

Kaa ci’aa o tew o timar oxe ƥasil, a fi’in yaay fa ƭaayu ndeer xa ƥeem. Haleluyaa!

Mberaand 30:2

Fuux le Yakoob a biltooxana a Rakel, soo ta layin ee: «Kaam ref Roog boo yaqanang fa ndim?»

A kim a tedu ke 127:3

Xa ƥiy kaa ndef ci’it no Yaal oxe, o rim ole hatna no laaw ke a ref barke fa ngatu no ten.

A kim a tedu ke 105:42

A wetandooxa fa lay fa tedu um fee ta lay’ina fa Abraham fee o tag um.

Mberaand 25:21

Isaak a xeɗooxana o teem me no Yaal oxe yaam ne ta reeƭna o timar. O Yaal oxe a jaɓa a qeƭ um, soo Rebeka a rok o fud.

Mberaand 30:21

Cinj kaaga, a rima o ƥiy o ndew, soo a ne’in Dinaa.

Mberaand 35:24

xa piy axe Rakel a ndef: Yoseef fa Bensame.