Mberaand 30:1 - NQAARIIT NE ROOG

¹ Ye Rakel a ga’na yee rimee fa Yakoob, a dalfooxa o naalaa a Leya fee o maag um, soo a lay a Yakoob ee: «Kaa o rimkaa fa mi mbaat um xon!»

Mberaand 30:1 Referans Kwoze

Ke bindeena no xe ne’eena YOB 5:2

O ƥodaxu xe kaa saŋkooxaa yaam fuux um, o ƭof oxe a xonaa yaam o mat xeeñ um.

Mberaand 29:31

O Yaal oxe a ga’a yee Leya bug’aand lool, soo a fi’in o tew o tiirim, Rakel o mat a ref o tew o timar.

Mberaand 37:11

Ciis maak a dama fog faap we ten, ndaa faap um o mat a geeka xa ƭaaɗ axeene no yiif um.

2 Korint 7:10

Yaam naqad fee inoorna na Roog kaa gartaa o fes pakaad a cinj na ɓisaa na muc ale, too ricooxkaand boo muk. Naqad fee na adna fee koy, fa nqon soom a rimaa.

Saak 4:5

Ba nu mboog ee ke a Pind a Tedu ke a layna caaxaan oo. Kaa dee: «Roog bugee lakas a gendir fo Yiif le ta ci’na a in.»

Saak 3:14

Kaa koy, o hañaanangaa lakas we, too xeeñ of mosee, waaƭaa o njiriiñ xoox of soom, yaaga ba o laasoox na tus, too ba o fañ ndigil ne.

1 Korint 3:3

yaam kaa nu maad o mbesooraa nen wiin adna. Ndax ciisir fo nqasir ndefu a ndeer nuun? Bo ndiik xalaat adna na ɗoxaa a nuun,

Xa peƭit axe 14:30

O laaw o dalu refu o ñoow cer, naal o mat a ŋeesaa o kiin.

Tiit 3:3

In itam, wiin ñaku a qoox i ndeeƭu yaaga. Kaa i nanaƭar’u, mo, ndef faɗ a yuxum in fo no kuu na ci’aa a in baneex. Kaa i ñoowoogu no coxod, siisaa, ndef waa njareena o sib, sibraa.

Galati 5:21

A naanga o siisraa itam, too a yeraa a yer a maamu, a ñaamaa kupu, a mbi’aa lakas kaa nandna fo keene. Mexe layaa a nuun ne layit’anuuma a nuun yaaga yee: We na mbi’aa tig nandu neene lamkee Maat ne Roog.

YEGIL MBAAX NE YEESU ne Saŋ a bindtuuna 4:8

Daalbe um o mat kaa ndet’u no taax kaa, ndax da njik kaa da mbutooxna.

O baawaare xe 4:4

Ga’aam ee ŋus-ŋus fuu refna fo calel ñaaƴu kuu ndefna ciis rek garu fo ten. Keene kaa refahin kasaara fo a ƥaaƈ a ƥor.

A kim a tedu ke 106:16

No saŋe ne, a siisa a Moyiis fa Aaroon fee kesan’eena o Yaal oxe.

Ke bindeena no xe ne’eena YOB 13:19

An saɗu layoor fa mi? Yaaga xam tiim soo xon.

Ke bindeena no xe ne’eena YOB 3:11

Xar taxu xoniim, ye um sutooraa no fud ya es, ɓut, ye um ñooteel?

1 Maad we 19:4

Cinj kaaga, a ñaaƴa ñaal muum kam a koƥ-a-ƥor ale, a ret a moof ɗuga mburndu. Fa nqon doŋ a xeɗoogatu, a layaa yee: «Ndiiki koy, o Yaal oxe, deyƭataam sik! Xuufi o ñoow es, yaam moƴiim daan es.»

A lim ale 11:29

Moyiis a doonaan ee: «Ndax kaa o naalaxam! Um waag’angaan xeet fee no Yaal oxe fop a tapoor, a ndef duleer, yaam o Yaal oxe a fudin Yiif um took den.»

A lim ale 11:15

O naagangaam o doonkaa keene, mexe xeɗang o waraam, ndax ga’katiim naqad feene, a soƥangaa yee daawaam yirmande of.»

Xa peƭit axe 30:16

Jaaniif, o tew o timar, lanq ke nqeƴkeerna foofi muk fo fiɗel le laykeerna muk ee: «A deya!»

1 Sami’el 1:10

Xaan kaa gooy’u lool, a yogorloox, a loolaa, too kam xa lool axe a diisa o Yaal oxe coono um.