Mberaand 3:7 - NQAARIIT NE ROOG

⁷ Den ɗik fop a kid den a ndalfooxa o mbetoox, da nga ee o ƥor a yoqu. A taƥranda a naf ndun soo a singoor a den.

Mberaand 3:7 Referans Kwoze

Esayi 59:6

Ke da ndiwaa jaɓee rokooxel, o hulooxel ne’aand, yaam o njakad rek a oraa. Xa ƥay den njalkee jam muk.

Mberaand 2:25

O koor oxe fo o teem o ƥor a yoq’u, too sed’eeyo teen dara.

Mberaand 3:5

Roog kaa and ee mbanuu nu moɗuuna, xan a kid nuun a mbetoox, nu mbod fa Roog, and paax fo paaxeer!»

Esayi 28:20

Njong ne xan a raƥ lool, ndax ta letnooxel, too pay ngulooxel ne xan a neew lool, ndax ta muurooxel.

2 Maad we 6:20

Ye da ndokna kam Samari, Eliise a xeɗa yee: «O Yaal oxe, weti a kid den ndiiki, ndax da nga!» O Yaal oxe a weta a kid den, soo da nga ee a ndeer teeru fee Samari a ndeeƭatu.

A cangatin ale 28:34

Yaa keene fop a dalkaa a nuun, xan ƭof a rok a nuun.

YEGIL MBAAX NE YEESU ne Lik a bindtuuna 16:23

Kam jaaniif, a coono’ooga lool. Maaga, a ƴooka a Abraham koƭu ta ɓop a Lasaar.

Esayi 47:3

Xan o yoq o ƥor, ta ref gaci na wo. Xam rabdinoox, too o leng xafkee.»

A ƭomatax ake 1:8

Yeerusaleem a bakaada ƭomu. Ten taxu ta refat sibdel. Fop we niw’uuna a nqeefataan, yaam ne da nga’na cer um ƥor. Ten fa xoox um kaa iinaa soo a xuun.

Haahate we 3:2

yaam a bug soom suk ke no Ii-isra’el we a and soo a aqatoox xire, tan-tan boog we and’eeruuna yaaga:

1 Korint 12:23

too ke i ƭeetaa no cer in nen kaa deyaandeena o niw sax, a mbare o niw tigi. Neene o mat a gartu boo ke haal’aandeena no cer ke a moƴatel o haal,