Mberaand 3:6 - NQAARIIT NE ROOG

⁶ O tew oxe a ga’a yee xa tim axe no ndaxar ne kaa mos bo too a yaawnoox, ne’atiim da mbaag o cooxit yiif. A dalfooxa o woq na xa tim axe, a moɗ, soo a ci o kor oxe ten reeƭna paam um ta moɗ itam.

Mberaand 3:6 Referans Kwoze

1Saŋ 2:16

Ke cer ke fo a kid ake a yaawaa, a magnandax yaam kalal adna, tig adna yoo. Keene fop koy, inooree na Faap fee, ndaa na adna fee a inooru.

1 Timote 2:14

Refee itam ee Aadama nax’e. O tew oxe o mat a reeƭu, too ten nanaƭar’u a Roog.

2 Sami’el 11:2

No kirand leng, Dawid a inooxa me ta wondoox’ina, a foƭtaa a caf um no dung-took ole no mbind no maad ne. A foda maaga, a ƴook o tew o mosu xaa na ɓogooxaa.

Yosuwe 7:21

kaam ga’’u no cangale ke sabadoor mosu naa inoorna Sine’aar fo xa monjong teemeed ƭik xaaliis fa nqoolu fo muul wurus laa o meɗel um a fi’na liibar, yaaw a den lool soo xot a den. Ndiiki koy, owaay ɗasnuuma, gas a den ndeer ee ndeer ƭiif es, xaaliis fee a adoox.»

Hoose 6:7

Nuun koy, nu ƭega ngiɓoor ne nen a Aadama, nen o ten o mat nu ngodtaxam.

Mberaand 6:2

xa ƥiy xa koor axe Roog a nga’a yee xa ƥiy xa tew axe no wiin we a mosa lool, a ndalfooxa o njil na xa ƥiy xa tew axeene rew, a ngilig a den.

Heseki’el 24:25

O Yaal oxe kaa tee: «Wo fee o ƥiy no kiin o mat, a woora yee a koom alaa um suqitkaa na den ke refna doole den, o ɗaay den fo mosandoor den, ke yulna a kid den fo ke xeeñ den a yuxmaa, xa ƥiy xa koor axe fo xa tew axe den,

Heseki’el 24:16

«Wo fee o ƥiy no kiin, ga’angi, ndeer ñaf fo ƭeet xam watin ke yulna a kid of. Xaaraandkiro, loolkiro, too xa kooniit of yuurkee.

Mace 5:28

Mi o mat, mexe layaa a nuun ee: Oxuu na ɗeetaa o tew boo a yaawin, a seeqa fo ten no xeeñ um boo a ƴut.

Heseki’el 24:21

Layi mbind Isra’el ee: Keeke o Yaal oxe na refkaa boo faw a layu: ‹Nga’angyo, xam maasand Mbind tedu ne mi, qaaƴoor ke na doole fee nuun, ke yulna a kid nuun fo yaakaar o ñoow nuun. Xa ƥiy xa koor axe fo xa tew axe nuun nu nqaƴna Yeerusaleem, xan laƥ a ñaam a den.

Mberaand 39:7

Ye keene fop a xewna, o tew oxe Potifaar a ɗeetooga a Yoseef boo a layin ee: «Gari wondoox fa mi.»

Mberaand 3:17

A laya a Aadama yee: «Feek kaa o nan o ñuxur no teef, moɗ o rim ole no ndaxar ne xañit’oonga, lanq ke a salooxe yaam wo. No ñaal ke no ñoow o ñis of fop, ŋos-ŋos tigi na taxkaa o jeg ñaamel.

Mberaand 3:12

O koor oxe a doonaan ee: «O tew oxene ɓisiidoona me mi cooxaxam o rim ole no ndaxar ne, mi yoo um moɗ.»

Ke bindeena no xe ne’eena YOB 31:1

Kaam xañit’u a kid es da ƭeet o toog boo a yuxmin.

Haahate we 14:17

O tew oxe kaa looloogu paam Samson no ñaal ɓetuu ƭik ke na put ale den, too no ñaal ɓetuu ƭikandeer naa Samson a tektaan o ten, yaam kaa jom’andoogun. Maaga, o tew oxe a tektaan we na xeet um.

1 Maad we 13:19

Maaga, o kiin Roog oxaa a nomtooxa fo ten no mbind um, a ñaam soo a yer.