Mberaand 3:4 - NQAARIIT NE ROOG

⁴ Maaga, fangool fee a laya o tew oxe yee: «Coo! Nu nqonkee tus.

Mberaand 3:4 Referans Kwoze

2 Korint 11:3

Kaa koy, kaam diidaa sax a qalaat nuun a ndok no naanaxir, soo nu naang tukit o kumnoor o saƭku o ñaku sik ole humin’ina a nuun fa Kiristaa, nu nandat fa Awa fee fangool fa ƈiƴu fee a nax’ina.

YEGIL MBAAX NE YEESU ne Saŋ a bindtuuna 8:44

Saytaane o mat refu faap nuun, too nu mbugee o mbadin dara, a refangee ke faap nuun a diirooxaa. No mberaand naa boo ndiik o baawar oo, too geenooxkee no ndigil muk, yaam ndigil leng refee no ten. A naagangaa o maaɓaa koy, no ndap xeeñ um a suttan, yaam o maamaaɓ oo, too ten refu faap o maaɓ.

1 Timote 2:14

Refee itam ee Aadama nax’e. O tew oxe o mat a reeƭu, too ten nanaƭar’u a Roog.

2 Korint 2:11

ndax Saytaane ci’kaand o gom olaa ta jegitna doole took in, yaam pexey um fo a pi um mo’ee o leng na in.

Mberaand 3:13

Maaga, o Yaal oxe Roog a laamta o tew oxe yee: «Xar taxu o fi keene?» O tew oxe a doonaan ee: «Fangool fee mat naxaxam bo um moɗ o rim ole no ndaxar ne.»

A kim a tedu ke 10:11

O soxodu xe kaa layaa no xeeñ um ee: «A ƭat Roog yongee teen. Kaa sing mukit um too naagee ga’aa dara.»

2 Maad we 8:10

Eliise a doonaan ee: «Reti o layin ee xan a wod! Kaa koy, o Yaal oxe a feeñlaxam ee xan a xon faq.»

2 Maad we 1:16

A laya o maad oxe yee: «O Yaal oxe kaa tee: ‹Feek kaa o lul wiin, ndax o ɗeetnook maa Baal-Sebub, roog fee Ekron, nen kaa Roog faa waageena o laamit jegee kam Isra’el, ten taxu njong ne wondooxoona sax, fudooxkino, ndaa xan o xon faq.› »

2 Maad we 1:6

A ndoonaan ee: «O kiin xetooxiidu a in, a hebil a in, ndax i nomtooxiid me wo, layong ee: ‹O Yaal oxe kaa tee: Ndax kaa Roog jegee kam Isra’el boo a tax o ɗeetnookaa maa Baal-Sebub, roog fee Ekron? Ten taxu inooxkiro no njong ne wondooxoona, ndaa xan o xon faq.› »

2 Maad we 1:4

Fat o layahinin ee: ‹O Yaal oxe kaa tee: Inooxkiro no njong ne wondooxoona, ndaa xan o xon faq.› » Eliya a fi’a ke o Yaal oxe a hebil’uuna.

A cangatin ale 29:19

O Yaal oxe bugkee waasan oxeene kiin, ndaa fuux le fo naal ne ten xan a mbiltooxanin, too a salax ake fop mbindeena no safe lene xan a ndal took um, soo o Yaal oxe a ñuf gon um took lanq ke.

Mberaand 3:3

bo ta yoqaa xa tim axe no ndaxar ne refna ndeer a ƭing ale. Roog kaa lay ee: ‹Ba nu moɗin, too ba nu nduqin, a koom aluu nu mbi’uuna rek, xan nu nqon.› »

2 Caloori ke 18:21

A doonaan ee: ‹Xam ret, laynoor duleer we ten fop xa maaƥ.› O Yaal oxe a layaan ee: ‹Kaaga pexey mbaax oo ndax o naxin. Reti o fi naaga!› »