Mberaand 3:23 - NQAARIIT NE ROOG

²³ O Yaal oxe Roog a raxta a den na ƭing alaa Edeen, ndax da nqooxik lanq ke da ngatna.

Mberaand 3:23 Referans Kwoze

Mberaand 4:2

A dakooxa o rok o fud, soo a ñoot a Abel fee o ndeɓ Kayin. Abel a refa o kaynaak cegel, Kayin a ref o qooxoox.

Mberaand 4:12

O xooxangaa, lanq ke cooxkirang ke da mbarna o mbat. Xan o ñaaƴaa joqooyooxaa took lanq ke.»

Mberaand 3:19

Boo yaa o nomtooxkaa no lanq ke hat’oona, ñiitoox foop no rak of na taxkaa o jeg ñaamel. No lanq ke hato, too teen o nomtooxkaa.»

O baawaare xe 5:9

Oxe fexna xaaliis waagiran o deyƭoox, too oxe fexna halal deyƭooxkee muk no ke ta rimaa. Keene kasaara a refahinu.

Mberaand 2:5

o mbafid onqe moƴna o neew sax reeƭee took lanq ke, daaƭ leng sax’afulee teen, yaam o Yaal oxe Roog deɓ’afulee too o kiin o leng jeg’afulee ndax ta xoox lanq ke.

Mberaand 9:20

Nowe a refa no xooxaa lanq ke, soo a jimb a ƭing taxar biiñ.

Mberaand 3:22

O Yaal oxe Roog a laya yee: «Ndiiki koy, o kiin oxe a nandata nen o leng na in, took o and paax fo paaxeer. Yaaga boog, fat i nqañtin ta duq ndaxar ne no ñoow ole, yaam ndik ta moɗ xa tim axe ten, soo a ñoowaa boo kili.»

Mberaand 3:24

A cinj ye ta raxna o koor oxe, a sipa pindel yeeyetax no batand naa na ƭing alaa Edeen, da saq laƥ kaa na kaƥaa, a yetooxaa a ƭat ale jofna no ndaxar ne no ñoow ole.

Mberaand 2:7

Naaga, o Yaal oxe Roog a xota no fo ut ole no lanq ke, a muul o kiin soo a wuuɗ o ñoow na xa ñis um. O kiin oxe a dalfooxa o jeg o laaw olaa na fiɗaa.

Mberaand 2:8

Cinj kaaga, o Yaal oxe Roog a jimba a ƭing kam Edeen, farna fo batand, soo a ɓek taaga o koor oxe ta muul’ina.