Mberaand 3:20 - NQAARIIT NE ROOG

²⁰ O koor oxe a ne’a o teem Awa, ee yaam ten refu ya no wiin we fop.

Mberaand 3:20 Referans Kwoze

Mace 1:23

«Xan o toog oxaa andeerna adna a ref fo fud, too xan a ñoot o ƥiy o ngoor onqaa na ne’keel Imanu’el», tekitna «Roog oxey fa in».

Mberaand 2:23

Maaga, o koor oxe a laya yee: «No jaf leeke de, ga’aam oxe hatna na xa kiiƈ es, a saq njer leng kut ne saquuma. O tew a ne’keel, yaam no koor a hatu.»

Mberaand 5:29

A ne’aan Nowe, a lay ee: «Oxene na yaalkaa a in no coono ke, no calel ƭomu ke lanq ke o Yaal oxe a salooxna a ndoonna a in.»

Mberaand 2:20

Neene, o koor oxe a ferana muumeen ke fop a kon fo tiiƭ ke na asamaan fo ƥaaɓaan ke na koƥ ale fop. Kaa koy, no keene fop ga’ee teen oxaa nandna fo ten, a waagin o dimle.

A pi ake 17:26

No kiin o leng a saktu qeet ke fop, a dalin a den na adna fee fop. Xeet fuu refna, ta hapanin camaane, a ɗeganin me ta warna o gen.

Mace 1:21

Xan a ñoot o ƥiy o ngoor, too fat o ne’in Yeesu, yaam ten na mucilkaa xeet um no pakaad den.»

1 Sami’el 1:20

Xaan a roka o fud, too yaa a pe um a mbadna, a ñoota o ƥiy o ngoor, a ne’in Sami’el ee: «Kaam xeɗ’un o Yaal oxe.»

A sutax ale 2:10

Ye ta roɓna, a ɓisaan maa no ƥeenqe Firawon fee. Oxeene a fi’aan nen o ƥeem too a ne’aan Moyiis, yaam kaa lay’u yee: «Na foofi gistanum.»

Mberaand 35:18

Kaa koy, ne oxeene a xonoogna, a ref no laaŋaan, a ne’aan Ben-Oni, ndaa faap um a ne’aan Bensame.

Mberaand 16:11

Malaaka fee no Yaal oxe a ɓaata teen ee: «Me ta refna o fud saqo. Xan o ñoot o ƥiy o ngoor, too fat o ne’in Isma’el, yaam o Yaal oxe a nana xa iin of.

2 Korint 11:3

Kaa koy, kaam diidaa sax a qalaat nuun a ndok no naanaxir, soo nu naang tukit o kumnoor o saƭku o ñaku sik ole humin’ina a nuun fa Kiristaa, nu nandat fa Awa fee fangool fa ƈiƴu fee a nax’ina.

1 Timote 2:13

Aadama kaa eet’el o sak, soo Awa a doonooxkaa.

Mberaand 3:21

O Yaal oxe Roog a dalfooxa o fi’an a Aadama fa Awa tikoorik ƭool, a rokin a den.