Mberaand 3:19 - NQAARIIT NE ROOG

¹⁹ Boo yaa o nomtooxkaa no lanq ke hat’oona, ñiitoox foop no rak of na taxkaa o jeg ñaamel. No lanq ke hato, too teen o nomtooxkaa.»

Mberaand 3:19 Referans Kwoze

O baawaare xe 12:7

boo cer ke a ngelko fo nomtooxaa no lanq ke da ngat’ina, soo o ñoow ole a nomtoox maa Roog fee ci’it’uuna.

Ke bindeena no xe ne’eena YOB 34:15

kuu na ñoowaa a saŋkooxkooga ndak fo ndak, soo o kiin oxe a nomtoox no lanq ke.

A kim a tedu ke 104:29

O ɗasnangaa a den mukit of, da ndiid, o suqit na den haaƭ le, da nqon faq, a ndakooxatin fo ut.

Mberaand 2:7

Naaga, o Yaal oxe Roog a xota no fo ut ole no lanq ke, a muul o kiin soo a wuuɗ o ñoow na xa ñis um. O kiin oxe a dalfooxa o jeg o laaw olaa na fiɗaa.

A kim a tedu ke 90:3

Wo na nomtaa wiin we no lanq ke, lay a den ee: «Nuun xa ƥiy Aadama, nomtooxyo.»

Efees 4:28

Fat oxe guuɗoogna a fañat o guuɗ. Fat a jalik, ndax ta jegan a xoox um o ñoow um no tig lewetu. Neene, xan a jeg kaa ta dimle’taa we neewna doole.

O baawaare xe 3:20

Fop o mbiñ o leng kut onqe a njofaa. Fop no lanq ke a ngatu, too fop no lanq ke a nomtooxaa.

Mberaand 18:27

Abraham a layaan ee: «Ga’angi, fo ut fo ndaw rek refum soo fi neeke layaa fo o Yaal oxe.

Dañel 12:2

Mayu no we na ƭaanaa kam lanq ke xan a yokoox, leng we a ndet no ñoow o fagkeer olaa, lakas we a ndet na gaci faa, a sibdel boo faw.

O baawaare xe 1:3

Ke o kiin a ŋus-ŋusnaa fop ɗuga njeeƈ ne xar a ɗaxkan?

A kim a tedu ke 22:15

Doole es kaa wañooxaa nen foofi laa na caarooxaa, xa kiiƈ es a saƭtooraa, njambaar es a ɓutaa kam es nen xef laa na naayaa.

Mberaand 23:4

«Kaam refat o gataakoon olaa genatna a ndeer nuun, ci’aamoo a mboy alaa gasuuma o qon oxe mi bo ta waag o mo a kid es.»

2 Tesalonik 3:10

Refee yaaga i ndefna a paam nuun i coox’u a nuun wareef feeke yee: Oxuu jaɓeerna calel, deyaand o coox a ñaam.

A kim a tedu ke 103:14

yaam a anda a paax ke i moolteena, a wetandooxa yee fo ut doŋ i ndefu.

1 Tesalonik 2:9

Fog es, ƥekyo na yiif nuun ne i njalitna kam coono ñaal fo o yeng, ndax i ndoxondkee o leng na nuun a toq in, ye nu mbaare’eel Yegil mbaax ne Roog.

O baawaare xe 5:15

Kene o njakad o yuɗnooxu a refahinu: Ne o kiin a garitna garit a nomtoorkaa deŋ. Yaaga koy o njiriiñ onqum a xottu teen? A ŋus-ŋusna na xa ƥaaƈ.

O baawaare xe 1:13

Ɗoftaam o waaƭ too horoox ndax um and fop ke na fi’eel ɗuga asamaan. Keene refu calel ƭomu ke Roog a gadinna xa ƥiy Aadama.

Xa peƭit axe 21:16

Oxe na ɗapaa a ƭat ale no jeg-yiif ole took o xaad maa no xon waa a jofu.

A kim a tedu ke 22:29

yaam o Yaal oxe doŋ refu o maad, ten na maadooxanaa qeet ke fop.

Ke bindeena no xe ne’eena YOB 21:26

Den ɗik fop xan a mbondook kam lanq ke, a ndefat ñaamel max ke.

Ke bindeena no xe ne’eena YOB 19:26

Boo ƭool es neeke a maxna, fo o meen es, xam ga a Roog.

Ke bindeena no xe ne’eena YOB 1:21

soo a lay ee: «Ɓisiidiim dara ye um garaa na adna, too ɓislooxkiim dara yaa um retaa. O Yaal oxe ci’tu, ten jangu. Yaasam gon le no Yaal oxe a simatel!»

1 Korint 15:47

O kiin o eetaand oxe kaa hat no lanq, a ref laalanq, o ƭikandeer oxe a inoor na asamaan.

Hebre 9:27

O kiin, jaf leng kut a geekane ndax ta xon. Cinj kaaga, xan hate fee Roog a gar.

Mberaand 3:18

Xan lanq ke a saxik kiƈ fo qooc, o ñaamataa daaƭ le na koƥ ale.

Ke bindeena no xe ne’eena YOB 4:19

Nam a hoolooritkaa o kiin oxe refna mbind maxte ƭok, a hat no fo ut ole, a waagel o tuc nen o ngusax?

A kim a tedu ke 104:23

Maaga, o kiin oxe a sutoox a jalik, a ref no faŋfaŋnaa boo yaa roog a yaarkaa.

A kim a tedu ke 127:2

O teel a yokax nuun fo o yengel a bond nuun kasaara yoo, too kaa nu nqijaa na baaƭ ñaamel, too yaaga fop oo o Yaal oxe kaa ci’an we ta fexna bo ta dey sik, yaa da ƭaanaa sax.

Mberaand 5:5

Aadama a ñoowa fop oo fop xa kiid teemeed ɓetuu nahik fo xa kiid qarɓeen tadik, soo a xonkaa.

Ke bindeena no xe ne’eena YOB 10:9

Wetandooxi yee wo mooltaxam ƭok. Ndax kaa o bugaam o nomit no fo ut ole?