Mberaand 3:17 - NQAARIIT NE ROOG

¹⁷ A laya a Aadama yee: «Feek kaa o nan o ñuxur no teef, moɗ o rim ole no ndaxar ne xañit’oonga, lanq ke a salooxe yaam wo. No ñaal ke no ñoow o ñis of fop, ŋos-ŋos tigi na taxkaa o jeg ñaamel.

Mberaand 3:17 Referans Kwoze

Mberaand 5:29

A ne’aan Nowe, a lay ee: «Oxene na yaalkaa a in no coono ke, no calel ƭomu ke lanq ke o Yaal oxe a salooxna a ndoonna a in.»

YEGIL MBAAX NE YEESU ne Saŋ a bindtuuna 16:33

Kaam lay a nuun keene, ndax nu njegit jam na mi. Xan nu njeg coono maak na adna fee, ndaa koy saƭakinooxyo, yaam mi gartu adna fee took.»

A kim a tedu ke 127:2

O teel a yokax nuun fo o yengel a bond nuun kasaara yoo, too kaa nu nqijaa na baaƭ ñaamel, too yaaga fop oo o Yaal oxe kaa ci’an we ta fexna bo ta dey sik, yaa da ƭaanaa sax.

O baawaare xe 5:17

Mi de neeke ga’tanum: Ke moƴna no kiin oxe refu ta ñaamaa, a yeraa soo a muudoor ke ta onjna took lanq ke, no ndik onqe Roog a danquuna no ñoow ole, yaam keene soom a jegu teen.

Ke bindeena no xe ne’eena YOB 14:1

O kiin kaa rimel fo o neew doole too waaganee a xoox um dara. O ñoow um kaa raƥ soo a may coono.

O leetar ole Pool a bindna GIMU WE NGENNA ROM 3:19

I anda koy ee ke kebil ke a layaa fop, kaa layanin we njaɓna o ndeef kebil ke, ndax o don oluu refna a naag meek, soo adna fop a njaɓ ee baabakaad a ndefu mbaambir Roog.

Ke bindeena no xe ne’eena YOB 21:17

Ndax nu mosa nga o ñoow no soxodu we a sooƴ nen o lampa ñufu, o njakad a yen took den, Roog a las a den no fuux le ten?

YEGIL MBAAX NE YEESU ne Lik a bindtuuna 19:22

O yaal mbind ne a layaan ee: ‹Xam hate’ong na fa lay of, o tag o soxodu xe! And’aa xil ee o kiin o ƭomu tig refum, kaam sertaa kaa geekeeruuma, too saxadaa kaa duufeeruuma.

Mace 25:45

Xan a doon a den ee: ‹No ndigil, mexe layaa a nuun ee: Ke nu mbi’aneerna o leng oxe moƴna o neew no fog es wene fop, mi nu mbi’aneerun.›

O baawaare xe 2:17

Sibaam boog o ñoow ole, yaam ga’aam ee ke na fi’eel ɗuga njeeƈ ne feliraam tus, feek fop kasaara yoo fo a ƥaaƈ a ƥor.

O baawaare xe 2:11

Cinj kaaga, xalaataam a paax ke xa ƥay es a njalna fop fa coono fee gomuuma ndax um fadin a den, soo um ga ee fop kasaara yoo fo a ƥaaƈ a ƥor. Dara teen ɗaxee tus took lanq ke.

Mberaand 3:11

O Yaal oxe Roog a laamtaan ee: «An andnoorong ee o ƥor yoqo yee? Ndax kaa o moɗ o rim ole no ndaxar ne xañit’oonga?»

Mberaand 3:6

O tew oxe a ga’a yee xa tim axe no ndaxar ne kaa mos bo too a yaawnoox, ne’atiim da mbaag o cooxit yiif. A dalfooxa o woq na xa tim axe, a moɗ, soo a ci o kor oxe ten reeƭna paam um ta moɗ itam.

Mace 22:12

A layaan ee: ‹Xaariit es, nam rokto mene, too saqiro ndoki ngulook?› O kiin oxaaga waag’iran o doon ɗelem leng sax.

Hebre 6:8

Kaa koy, boo da saxna kiƈ fo qooc, njegkee o njiriiñ o leng. Xan Roog a saloox lanq keene, too mujum-mujum kaa ndoxkeel.

Mberaand 3:18

Xan lanq ke a saxik kiƈ fo qooc, o ñaamataa daaƭ le na koƥ ale.

Mberaand 8:21

O Yaal oxe a yega tuñ pelu soo a lay no xeeñ um ee: «Salooxkatiim lanq ke muk yaam o kiin, ke xeeñ um a yuuɓaa paaxeer fop oo no ke xotitna no ndeƥandoong um, too saŋikkatiim ke na ñoowaa fop ne fi’it’anuuma.