Mberaand 3:16 - NQAARIIT NE ROOG

¹⁶ A geleerooxa, a lay o tew oxe yee: «Xam ɓaat o ƭomel gaaj of. Boo o ƥiy a sutooraa na wo, o ɗomel boo mat o xon, too yaqankee o ƴufanaa o kor of yaam a yuxum, too ten na kelfa’kang.»

Mberaand 3:16 Referans Kwoze

Tiit 2:5

Fat a njangin a den itam da ndamoox, a ndam no gor den soom, a mbi’aa calel ke no mbind ne, a mbaax, a nanan gor den, ndax fa lay fee Roog wenkaand.

Kolos 3:18

Nuun rew we, fat oxuu refna na nuun a jaɓan o kor um, ne ta waritna no Yaal oxe.

1 Korint 11:3

Kaa koy, a jega kaa buguuma nu and: O koor kelfa’u o tew, Kiristaa a kelfa o koor, Roog a kelfa a Kiristaa.

1 Timote 2:15

Kaa koy, xan a muc na pexey o ƥiy onqe reefandteena no ten. Yaqanee koy, a wara o saƭik no ngim onqe, a yelef, a saq o mbeq, a gen no tedel.

1 Korint 14:34

baa o tew a yaƥat yaa wiin we a mbokatoorna, yaam ci’aand o ten. Kaa war o nanan, ne ta layteena no kebil ke itam.

1 Korint 7:4

Kaa o tew jegee sañ-sañ took njer um: O kor um jegu teen sañ-sañ. Neene itam, o koor jegee sañ-sañ no njer um: O teem jegu teen sañ-sañ.

YEGIL MBAAX NE YEESU ne Saŋ a bindtuuna 16:21

O tew a naagangaa o gaajooxaa, kaa ɗomeel lool, ndaa boo andoona yee a muca, wetandooxkatee dara no ƭomel ole, yaam o ɗaay ole ta jegna no ƥeem.

Mberaand 4:7

O fosooxangaa paax, a tagid of a let, ndaa o fosooxangaa paaxeer koy, bakaad fee xey no don-maax of a ɓeedang, kaa rek, ba o ci’in o gom!»

Yeremi 6:24

Yaa i ndaawna o nan oleene rek, xa ƥay in a leeƈooxa, naqad a dam a in, i ƭomeel nen o tew oxaa na gaajooxaa.

A lim ale 30:13

Kaa koy, o kor um a xañtangaan na bes fee ta yeguuna, a wara o waas. O Yaal oxe xan a waasanin, yaam o kor um xañtu a tegit um mbaat ke ta xasna.

1 Tesalonik 5:3

Yaa wiin we a ngapko layaa yee «Ndaw jam!» tee «Ndaw booru!», ndak fo ndak nen gaaj, yaq fee a dalitkaa took den, too o leng waagkiran o daɗ a koom.

Esteer 1:20

Yaa kebil of neene a nannooxkaa kam xa kox axe no maat yaaju ne wo fop, xan o tew oxuu refna a nanan o kor um, da ndef wiin maak mbaat fo mboƭomsogor.»

Yeremi 22:23

Wo fee ngenand of a nandna fa Libaŋ, ndut of o fi’in kam taxar seedar ke, xan o iin tigi yaa a ƭomaand ake a ndalkang, o lañtooxaa nen o tew oxaa na gaajooxaa.»

Yeremi 13:21

Xar o laykaa, yaa we merandoox’oona a inooxankang, ndax da maadooxanong? Ndax xa ƭomel axe ndaawkirang nen xa ƭomel no tew oxaa na gaajooxaa?

Esayi 21:3

Ten taxu naqad oxe lifaxam, um ɗomeel nen o tew oxaa na gaajooxaa. Ke nanuuma kaa firɓandaam, ke ga’uuma a diidlandaam.

Esayi 13:8

Kaa da ndiidlandel, ɗom fa naqad a ndal a den, da lañtooxaa nen o tew oxaa na gaajooxaa. Kaa da mbadir a kid fo o njaaxɗataand o maak, mukit den a nandtaa fiɗel.

Yeremi 49:24

Njambaar ne Damaas a ɓuta, a yaj ake ten a mbes ndiiñ, ndax da ngod o joor, a sendaa ne mbodeena fop. Naqad fo xa ƭomel a ndala a den nen o tew oxaa na gaajooxaa.

Yeremi 4:31

Yaam kaam nanaa xa buuq nen axe no tew oxaa na gaajooxaa, xa buuq o ƭomel nen axe no tew oxaa na ñootaa taaw um. O ñuxur ole Siyoŋ oo. Kaa iinaa, a dek xa ƥay ee: «Sabab took es! Kaam xonaa yaam a qaw ale no waawar we!»

Esayi 53:11

Xan a ga a qoolaand ale too xan a deyƭoox yaam coono ke ta gomna. O tag es o cofu xe xan a jofand wiin mayu, yaam ne da anduuna, a gadoox njofaƭar den.

A kim a tedu ke 48:6

ndaa a njaaxɗa no ke da nga’na, a ndiid soo a ngod o joor.

1 Timote 2:13

Aadama kaa eet’el o sak, soo Awa a doonooxkaa.

1 Caloori ke 4:9

Yabes kaa reeƭu o koor oxaa moƴeena niw maag we ten. Ya um kaa ne’’un Yabes, yaam ne ta ɗom’eena lool, ye ta ñootan.