Mberaand 3:15 - NQAARIIT NE ROOG

¹⁵ Xam ɓek njofooraƭar ndeer of fo o tew oxe, ndeer we mbaqaqoorna na wo fo we mbaqaqoorna no ten. Xan oxe faqaqoorna no ten a gef xoox of bo tee rip, soo wo o gaañin no faaɗ.»

Mberaand 3:15 Referans Kwoze

O leetar ole Pool a bindna GIMU WE NGENNA ROM 16:20

Roog fee na ci’taa jam, xan a duguñ a Saytaane ɗuga a caf nuun no miñeer. Yaasam yirmande fee no Yaal in Yeesu a ref fa nuun.

1Saŋ 3:8

Oxuu genna no fi’aa bakaad, no ƈiƴ oxe a fogu, yaam o ƈiƴ oxe kaa bakaadaa, yaa fo mberaandoong naa boo ndiik. O Ƥeenqe Roog koy, a feeña ndax ta yaq calel ke no ƈiƴ oxe.

Mbeeñil 12:17

Maaga, Niŋki-naŋka a fuuxana o tew oxe, too a reta a ñoxorik fo we yoq’ina na xa taan um, ndefna we na ngeekaa kebil ke Roog, too a ndam no ndigil ne Yeesu a feeñilna.

Esayi 7:14

Ten taxu o Yaal oxe fa xoox um xan a ci a nuun o anddiloor. Xan o toog oxaa andeerna adna a ref fo fud, too xan a ñoot o ƥiy o ngoor onqaa ta ne’kaa Imanu’el tekitna Roog oxey fa in.

Galati 4:4

Ye hap fee a fadna, Roog a luliida o Ƥeem na adna fee, o tew a rimin, ta refat o Yaawuur oxaa warna o reef kebil ke Roog.

YEGIL MBAAX NE YEESU ne Saŋ a bindtuuna 8:44

Saytaane o mat refu faap nuun, too nu mbugee o mbadin dara, a refangee ke faap nuun a diirooxaa. No mberaand naa boo ndiik o baawar oo, too geenooxkee no ndigil muk, yaam ndigil leng refee no ten. A naagangaa o maaɓaa koy, no ndap xeeñ um a suttan, yaam o maamaaɓ oo, too ten refu faap o maaɓ.

Mace 1:23

«Xan o toog oxaa andeerna adna a ref fo fud, too xan a ñoot o ƥiy o ngoor onqaa na ne’keel Imanu’el», tekitna «Roog oxey fa in».

Mace 13:38

A yang ale refu adna fee, ax paax ke a ndef xa ƥiy axe no Maat ne, soo puulaand ke a ndef xa ƥiy no paaxeer oxe.

1Saŋ 3:10

Mene xa ƥiy Roog fo xa ƥiy no ƈiƴ oxe a andditkeel: Oxuu geneerna no fi’aa cofu, too fexee o pog um, fogee na Roog.

YEGIL MBAAX NE YEESU ne Lik a bindtuuna 10:19

Nan-gilooxyo: Ci’aam a nuun sañ-sañ faa nu ñaaƴtaa took ƥood ke fo a beex ake fa katil ke no pañ oxe fop, too dara waagkee o gaañ a nuun.

A kim a tedu ke 132:11

O Yaal oxe a daaɓooxa fa Dawid, too no ndigil, nomtooxkee teen a cinj ee: «Xam moofin o leng na xa taan of took uum-maamaad le wo.

Mbeeñil 20:10

Maaga, o ƈiƴ oxe naxoogna qeet keene a joore kam a mbeel fiɗel alaa no nqeen saasu kaa, maa Ɓaanoor fo o tuleer o maamaaɓ oxe a njoor’eena. Xan a toroxandeel ñaal fo o yeng boo faw.

Kolos 2:15

Neene a sañtitu itam sañ-sañ ke fo maat ke, a huyit a den bo dee huyit mbaambir no fop, soo a ɓis a den nen faɗ we mbogna na qaaj ale Kiristaa a maafna.

A pi ake 13:10

«Wo fee mayna fo naanaxir fo coxod ƥor, ref o ƥiy no ƈiƴ oxe, fañaa o cofel ole, ndax kaa waagiro waas a pi ake Roog o ñufaa?

Mbeeñil 2:10

Ba o diid no ke o ñagadilkeel. Nan-gilooxi: Xan o ƈiƴ oxe a ɗeetloox a nuun. Xan a ɓek leng-leng na nuun kam kaso, too xan nu toroxandel boo ñaal xarɓaxay. Fat o gore boog boo na fa nqon, too xam cooxong o ñoow ole, ta ref o ndip of.

Esayi 53:12

Xam cooxin a las um fo kelfa ke, ta xaajir fo we njegna katil kalal ke, yaam a ɓoxotooxa na fa nqon. A ɗeet’e nen saasaay kaa, a gadoox pakaad no wiin mayu, soo a xeɗan we a qaw ale a jagit’ina.

Mise 5:3

Xan a inoox soo a gayit a den doole fee no Yaal oxe fo o magnel ole no gon le no Yaal oxe Roog um. Xan a ngenaa no yaadax, yaam xan a ɓoxotel o ndam boo no cat adna.

Yeremi 31:22

Kaa o gapko wirlooxaa boo a mban, o ndoog o nanaƭaru nqe? Yaam o Yaal oxe xe sakaa qas took lanq ke: O tew oxe na waaƭataa o koor oxe.

1Saŋ 5:5

An refu oxe maafna adna fee, a refangee oxe gimna yee Yeesu refu o Ƥeenqe Roog?

Hebre 2:18

Me ta refna koy, Yeesu a waaga o dimle we na ƭeetlooxeel, yaam ten fa xoox um a ɗeetloox’e kam coono um.

Efees 4:8

Ten taxu a Pind a Tedu ke a lay ee: «Ye ta ŋaayaa took-ee-took a ɓislooxa we ndameena, soo a coox wiin we ci’it.»

Mbeeñil 13:7

A ci’e o maafir fo we mbogna na Roog, ndax ta maaf a den. A ci’e sañ-sañ no tim oluu refna fo no saax luu refna fo na lak fuu refna fo na xeet fuu refna.

Hebre 5:7

Kam o ñoow um na adna fee, Kiristaa kaa xeɗoogu a Roog fee waag’uuna o mucil na fa nqon, a yoonandtin xa iin fo xa kooniit. Roog a jaɓa a qeƭ um, yaam ne ta ɓoxotoox’ina no ten.

YEGIL MBAAX NE YEESU ne Lik a bindtuuna 22:53

Mee ndax bes fuu refna fa nuun refoogum kam Mbind Roog ne, too nu ndoonee xa ƥay nuun took es. Kaa koy, keene refu waxtu nuun fa fee na katil fee no niɓaan ole.»

Mace 23:33

Nuun soo ndef fo nqisiil fo wiin sabab! Nam nu mbaagu o ndaɗit a qaw ale na fiɗel laa ñufkeerna?

Mace 12:34

Nuun soo ndef fo nqisiil! Nam nu mbaagu o layit tig paax too soxod boo ƈaxooxaa? O don ke refna no xeeñ soom a layaa.

Mace 3:7

Yaa Saŋ a ga’na Farisiya waa fo Sadusiya waa a ngaraa ndax da mbatiise’el, a laya a den ee: «Nuun soo ndef fo nqisiil! An lalgandu a nuun nu ƈuf fuux le Roog na garaa?

O leetar ole Pool a bindna GIMU WE NGENNA ROM 3:13

Fa nqon soom na sutooraa na xa paƭanq den, da mbi a ƭelem den naanaxir, fa lay den a ref daŋat saamaand,

YEGIL MBAAX NE YEESU ne Lik a bindtuuna 1:76

Wo o mat o ƥees, xan o xoyeel o tuleer no xe Took-ee-took. Xan o ñaaƴaa mbaambir no Yaal oxe, ndax o jagandanin a ƭat um.

Mark 16:18

Boo da ndamna ƥood na xa ƥay den mbaat da yer kaa jegna daŋat, dara damkee a den. Xan a ndoon xa ƥay den took jiru we, too weene xan a mbod.»

Mace 1:25

Kaa koy, mos’ee o and ke ta refna boo neen a ñootu o ƥiy o ngoor onqaa, too a ne’aan Yeesu.

Mberaand 49:17

Xan o ref fangool na qal, sax ndeer a ƭat, ŋataa xa tod axe no pis ke, soo o ŋaaŋaay pis oxe a ɗangtooxiid a lanq.

Dañel 9:26

A cinj xa kiid ɓetaa ƭaq axeene boo a caf qarɓeen ɓetuu fa leng fo a caf a ƭak, Kelfa fee ta soƥkaa ta ɗuumel xan a saŋkel, too jegkee oxaa rondanduuna. Cinj kaaga, xan kelfa a gar fo a yaj no xiixire um, a yaq teeru fee fo o mbiñ o tedu nqe, ndaa xan muukandoong um a fadtiid nen o jaɓ. Yaq fee xan a ret boo maa xire fee a fagitkaa. Roog o mat heblitun.

Amos 9:3

A njaɓnookangaa no jul olaa Karmel, xam waaƭik a den, suqtiid a den, da ƭasik no xooɗ laa no maag olaa, um hebil fangool ta ŋat a den.

YEGIL MBAAX NE YEESU ne Lik a bindtuuna 24:27

Maaga, Yeesu a tektana a den ke lay’eena no kaa farna no ten kam a Pind a Tedu ke fop, a eetit na safe ke Moyiis boo a suur na safe ke no duleer we fop.