Mberaand 3:14 - NQAARIIT NE ROOG

¹⁴ O Yaal oxe Roog a laya fangool fee yee: «Feek keene fi’o, salooxee a ndeer cegel ke fo a ndeer muumeen-a-koƥ ke fop. O fud of o bugko ñaaƴtaa, soo yeraa fo ut ole no ñoow o ñis of fop.

Mberaand 3:14 Referans Kwoze

Mise 7:17

Xan a mbuqaa fo ut ole nen fangool, a ƭooqooxaa a lanq nen ƥood ke. Xan a sutoox saŋe ke den fo diid, a sendaa, yaa da ngaraa me wo, wo o Yaal oxe Roog in. Xan a saɗarong.

Esayi 65:25

A teeteem ale fo o mbaal onqe xan a yoon a suufaa, njogoy ne a ñaamataa boob nen nqoox, soo fangool fee a ñoowtataa fo ut ole. Paaxeer mbaat yaq fa leng fi’kataand took o joong o tedu le mi boo ta xet.» Keene o Yaal oxe a layu.

A kim a tedu ke 72:9

Fañ we ten xan a ngooknoox mbaambir um, noon um a yer fo ut ole.

Esayi 29:4

Xan o fudnel, fa lay of a inoortaa a lanq, xa ƭelem of a moƴ o yoor a lanq fo ut ole. O ñuxur of xan a sutooraa no lanq ke nen o ñuxur no qon, soo o ŋurŋurnitaa no fo ut ole.

A paɗax ale 20:25

Fat nu ngay njektir ne refna a ndeer muumeen qoolu ke fo qoolaƭaru ke, a ndeer tiiƭ qoolu ke fo qoolaƭaru ke. Ba nu nqoolaƭarand a qoox nuun, yaa nu nduqaa muumeen ke mbaat tiiƭ ke mbaat ƥood ke layuuma a nuun ee kaa nqoolaƭar.

Mberaand 9:6

O kiin oxuu ɓaxna fo’oy no kend um, xan o lakas a ɓax fo’oy um, yaam Roog kaa sak o kiin ta ref nitaal um.

Mberaand 3:1

No muumeen ke o Yaal oxe Roog a sak’ina fop, da ndef na koƥ ale, fangool fee moƴ’u o ƴiƴ teen. A laamta o tew oxe yee: «Ndax no ndigil Roog kaa lay ee nu moɗkee xa tim axe no taxar ke na ƭing ale fop?»

Mberaand 4:11

Ndiiki koy, salooxee took lanq ke ƥuusna fo’oy le no ndeɓ of ɓaxoona.