Mberaand 3:10 - NQAARIIT NE ROOG

¹⁰ O koor oxe a doonaan ee: «Kaam nan o ñuxur of kam a ƭing ale rek, um diid soo dalfoox o ɗas yaam o ƥor yoqum.»

Mberaand 3:10 Referans Kwoze

Mberaand 2:25

O koor oxe fo o teem o ƥor a yoq’u, too sed’eeyo teen dara.

Esayi 57:11

Ndi an saɗaroogo boog, an fit’o boo a tax o maaɓaxam, fañ o xalaatataam soo weecaam? Andum ne maar’uuma o don es yaaga boo fa ndiik taxu saɗariraamo.

Esayi 47:3

Xan o yoq o ƥor, ta ref gaci na wo. Xam rabdinoox, too o leng xafkee.»

A kim a tedu ke 119:120

Cer es kaa sendaa, yaam o diidlandaam, um saɗar kate of.

1Saŋ 3:20

Boo a qeeñ in a njambna a in, Roog hupu a den too a anda kuu refna.

Ke bindeena no xe ne’eena YOB 23:15

Keene mat taxu um diid mbaambir um. Nuu um yiiftan, neene um saɗartan.

A sutax ale 3:6

Maaga, a ɓaata teen ee: «Mi refu Roog fee na faap of, ref Roog fee Abraham fa Roog fee Isaak fa Roog fee Yakoob.» Moyiis a muurooxa, yaam kaa saɗaroogu o ɗeet a Roog.

Esayi 33:14

Baabakaad we owe ndiidaa kam Siyoŋ, jofaƭaru we a sendaa, a ndamtin ee: ‹An na in na waagkaa o moof kam fiɗel le na raaɓaa? An na in na waagkaa o moof kam ƈulfaan ñufkeer ne?›

Mbeeñil 16:15

O Yaal oxe a laya yee: «Nga’yo, mexey garaa nen o kuuɗ oxaa na ɓeedaa! Oxe ɗaaneerna, too a geek toki um, yaam a fañaa o ñaaƴ fo cer ƥor, a ɗaaya. Oxeene kiin bugee gaci um a feeñ.»

A sutax ale 32:25

Moyiis a ga’a yee xeet fee kaa ndamoox na xa koɓong xa ƥor, soo Aaroon itam a xaƴ a den na xa koɓong axeene, a jeernooraa a den mbaambir fañ we den.

Mberaand 3:7

Den ɗik fop a kid den a ndalfooxa o mbetoox, da nga ee o ƥor a yoqu. A taƥranda a naf ndun soo a singoor a den.

Mberaand 3:11

O Yaal oxe Roog a laamtaan ee: «An andnoorong ee o ƥor yoqo yee? Ndax kaa o moɗ o rim ole no ndaxar ne xañit’oonga?»

A sutax ale 20:18

Xeet faa fop a nanooga ƭuuɗ ke fo a luuƥ ale njiboogna. A nga’ooga itam xa kiiñaand axe fo o joong ole suunoogna. Kaaga a tax’a xeet fee fop a sendaa, a mbod koƭu.

A sutax ale 20:19

A laya a Moyiis ee: «Layi fa in wo fa xoox of, too yaaga xan i nan-giloox. Kaa koy, baa Roog a lay fa in muk, yaam ndik i nqon.»

A cangatin ale 5:25

Ndiiki koy, xar na taxkaa i njikooxaa xa ñis in? Fiɗel lene took o raaɓ a in a jofu. I ƥaatangaa o nan o ñuxur ole no Yaal oxe Roog in, xan i nqon.

Ke bindeena no xe ne’eena YOB 31:33

Ndax naagaam o ɗasnaa pakaad es nen lakas we, tooñ es, um migin a den kam es?