Mberaand 29:4 - NQAARIIT NE ROOG

⁴ Yakoob a laamta gaynaak we yee: «Fog es, mam nu ngenu?» A ndoonaan ee: «Xaraan i ngenu.»

Mberaand 29:4 Referans Kwoze

Mberaand 28:10

Yakoob a inoora Beer-Seeba, a waasooxan a Xaraan.

Mberaand 27:43

Ndiiki koy o ƥees, nan-gilooxi ke um askang! Inooxi, ƴuf Xaraan maa Laban fee o camin es.

A pi ake 7:4

Na waxtu faaga sax, Abraham a sutooxa saax laa no Kaakalde waa, soo a genik na teeru faa Xaraan. A cinj ye faap um a ñakna koy, Roog a sektiidaan no saax leeke nu ngenna ndiiki.

A pi ake 7:2

Eceen a doonaan ee: «Fog es fo paap es, nan-gilooxaamoo! Roog fee mayna fo o ndam a feeñooxa o taan in Abraham. Kaaga xaa soƥa a Abraham no saax laa Mesopotami yaaga genafulee Xaraan.

Mberaand 24:10

O tag oxe a xota keeleemb xarɓaxay no keeleemb ke no yaal mbind um, soo a ret no saax laa Mesopotami na teeru faa Nakoor. A ɓislooxa itam halal fa mayu na halal fee no yaal mbind um. A inooxa, a ret.

Mberaand 11:31

Teerax a xota a Abram fee o ƥeem fa Lot fee o ndaan um fa Saarayi fee o seemir um refna o tew Abram. Den fop a inoora Uur fee no Kaakalde we, ndax da ndet no saax laa Kanaan. A mbadiida Xaraan, soo a ngenaa maaga.

Mberaand 29:3

Xa siir axe fop, maaga a nqetoogu, ɓil le na ngas ale a berengel, soo cegel ke a yernel. Cinj kaaga, ɓil le a nomtiidel na seek um, a wegatin a ngas ale.