Mberaand 29:2 - NQAARIIT NE ROOG

² A yoɗa a kid um soo a ƴook a ngas kam a koƥ ale, too a ked a tadak cegel a mbondoox’u paam um, a ñootnooxaa, yaam na ngas alaaga xa siir axe a yernooge. Ɓil maak koy wegtooge a ngas ale.

Mberaand 29:2 Referans Kwoze

YEGIL MBAAX NE YEESU ne Saŋ a bindtuuna 4:6

A ngas ale Yakoob, maaga a reeƭu itam. Yeesu kaa xij’u bo yaam a ñaaƈ a koƭu le, too a gara a moof paam duutung le na ngas ale, a soƥ njeeƈ ne a fod ndeer xoox.

Esayi 49:10

Nqeexkataand too ngoɗomkataand, mbooyo ne mbaat njeeƈ ne ñaatlandkatee a den, yaam oxe yirimna a den na refkaa o kaynaak den, too xan a ɓakand a den na cur foofi.

Mbeeñil 7:17

yaam o Mbaal onqe refna ndeer gamb no maad le na refkaa o Kaynaak den. Xan a ɗox a den na cur foofi le na ñoownaa, soo Roog a forit xa kooniit den.»

YEGIL MBAAX NE YEESU ne Saŋ a bindtuuna 4:14

Kaa koy, oxe na yerkaa foofi le um cooxkan, hoɗomkataand boo muk. Foofi leene um cooxkan xan a fi kam um a mbeel alaa a cur ake a nqawraa, a cooxin itam o ñoow o fagkeer ole.»

A kim a tedu ke 23:2

Kaa ñootnaxam kam xa suufand xa quƥu sap, a ɓakandaxam paam poofi ƥuuɓu ke.

Mberaand 24:13

Ga’angi, mexey geenooxa paam a cur foofi le, too roog we no we ngenna na teeru fee xan a ƈeewiid.

Mberaand 24:11

A yisna keeleemb ke tafil teeru fee paam a ngas no kirand ne, na waxtu fee rew we a ƈeewaa.

Mberaand 24:10

O tag oxe a xota keeleemb xarɓaxay no keeleemb ke no yaal mbind um, soo a ret no saax laa Mesopotami na teeru faa Nakoor. A ɓislooxa itam halal fa mayu na halal fee no yaal mbind um. A inooxa, a ret.

Mberaand 29:3

Xa siir axe fop, maaga a nqetoogu, ɓil le na ngas ale a berengel, soo cegel ke a yernel. Cinj kaaga, ɓil le a nomtiidel na seek um, a wegatin a ngas ale.

Haahate we 5:11

Paam palka ke, we na lastaa foofi le owe simataa a pi a paax ake no Yaal oxe, a pi a paax ake ten no kelfa ke Isra’el, ye xeet fee no Yaal oxe a mbodna no tokand ke.