Mberaand 28:5 - NQAARIIT NE ROOG

⁵ Isaak a hebla a Yakoob, soo ta ret Padan-Araam maa Laban fee o ƥiy Betwel, o Aa-araam oxe, refna ref o camin Rebeka fee ya Yakoob fa Esawu.

Mberaand 28:5 Referans Kwoze

Mberaand 25:20

Isaak a jeg’a xa kiid qarɓeen nahik ye ta giligna a Rebeka fee o ƥiy Betwel o Aa-araam oxe gen’ina Padan-Araam, too a ref o cigeen Laban o Aa-araam oxe.

Mberaand 27:43

Ndiiki koy o ƥees, nan-gilooxi ke um askang! Inooxi, ƴuf Xaraan maa Laban fee o camin es.

Mberaand 29:12

Yakoob a andnoora a Rakel ee o pog faap um a refu, o ƥiy Rebeka. Rakel a ƴufa, a yegnikin a faap um.

Hoose 12:12

Galaad njofaƭar doŋ a fofu, a ref o koohod. Kaa sadaxtaa qoox kam Gilgal. Ten taxu xa sadaxand axe den xan a ndefat nen a cuum a kac na cur ake na xa qol axe.

Mberaand 22:23

Betwel feene rimu a Rebeka. Weene ndefu xa ƥiy ɓetaa tadaq axe Milka a rimna fa Nakoor fee o ndeɓ Abraham.

Mberaand 24:54

Cinj kaaga, o tag oxe fo yoon um a ñaama, a yer, soo a mbe maaga. No feet nqes olaa, o tag oxe a laya yee: «Kaam jaɓ o nomtoox me no yaal mbind es.»

Mberaand 28:2

Inooxi ret Padan-Araam no mbind Betwel fee faap ya of, o waaƭit o tew a ndeer xa ƥiy xa tew axe Laban fee o camin ya of.

Mberaand 29:1

Yakoob a xota a ƭat, a ret no saax laa no waa ngenna no batand.

Mberaand 31:24

Kaa koy, Roog a feeñooxa a Laban o Aa-araam oxe no ƭaaɗ, a layin ee: «Wootooxi o lay a Yakoob tig!»

Mberaand 35:27

Yakoob a fadiida maa Isaak fee faap um, maaga Mamre kam Kiryat-Arba, refna ref Hebron me Abraham fa Isaak a ndeeƭna xa kataakoon.

A cangatin ale 26:5

Maaga, fat nu layahin mbaambir no Yaal oxe Roog nuun ee: ‹O taan in kaa reeƭu o Aa-araam oxaa na molaa, too wiin leng-leng soom a yoonit’u, ye ta retaa Misira ndax ta ñoow maaga nen o gataakoon. Kaa koy, a ndeeƭata maaga xeet fa maak fa njegu doole too a may.

Heseki’el 27:16

Edoom kaa sofroogu fa wo no jale of le naag’ina gañ. Kaa ɓisiidoogu no luuma ke wo a ƥil a cafeñu a ne’e emerod, piis taalde’u, sarbo, pay coor, kooraay fo a ƥil a cafeñu a ne’e rubis.