Mberaand 28:4 - NQAARIIT NE ROOG

⁴ Yaasam Roog a ci’ong barke fee Abraham, wo fo xa taan of, ndax o jegik saax le refoona o gataakoon, too ta ci’in a Abraham.»

Mberaand 28:4 Referans Kwoze

Galati 3:14

Neene we ndefeerna Yaawuur a ndaawtaa na Kiristaa Yeesu barke fee Abraham a barke’eena, too in itam, i ngimangaa, xan i ndaaw Yiif le Roog regteena.

Mberaand 12:7

O Yaal oxe a feeñooxa a Abram, a layin ee: «Saax leeke, xam ci’in xa taan of.» Abram a maxana o Yaal oxe o sadaxand no mbiñ onqe ta feeñoor’uuna.

Efees 1:3

Yaasam Roog Faap fee no Yaal in Yeesu Kiristaa a simatel! A barke’a a in, in we mbogna fa Kiristaa, ye ta ci’na a in barke-yiif fuu refna na asamaan.

A kim a tedu ke 39:12

Kaa o yaraa o kiin oxe, yaa o xawtan tooñ um, ŋereñaa ke ta moƴna o bug nen max. Ndigil oo, wiin we fop nqeñ doŋ a ndefu. A maaf

Galati 3:8

A Pind a Tedu ke a laya yaaga yee xan Roog a ɗeet we ndefeerna Yaawuur nen jofu yaa da ngimna. Ten taxu Roog a yegna a Abraham yegil mbaax ne, ye ta layna yee: «Qeet ke fop na wo a mbarke’itkeel.»

A kim a tedu ke 72:17

Gon um ñufkee boo muk, too ten adooxu meen njeeƈ ne. Xan wiin we a mbarke’teel gon um, a saax ake fop a ƭaayit no ten.

Mberaand 15:8

Abram a doonaan ee: «O Yaal oxe na refkaa boo faw, o anddiloor olum o cooxkaxam ndax um and ee mi na jegkaa saax lene?»

Mberaand 27:33

Maaga, Isaak a dalfooxa o kafkafin yaam ke ta yegna, a sendaa. A laamta yee: «Yaaga boog, an refu oxe waraniidaxama mbuufuɗag, a ɓisiidaam o ten boo um ñaamin, miñee dara o fadiid? Barke’aanum toox de, too xan a barke.»

Mberaand 37:1

Yakoob a dala kam saax le Kanaan me faap um a reeƭna o gataakoon.

A sutax ale 6:4

Dalnaam ngiɓoor fa den, ndax um coox a den saax le Kanaan, saax le da ngenoogna, a ndef teen xa kataakoon.

1 Caloori ke 29:15

Kaa i ndef mbaambir of genar fo xa kataakoon nen daan in fop, ñaal ke in took lanq ke a ndef nen yook too i njegee yaakaar leng.